Pope in lehpan nak thawn pehpar in hminsin ding mi tongfang pawl Vatican in caah a suah August 29, 2020

Pope in lehpan nak thawn pehpar in hminsin ding mi tongfang pawl Vatican in caah a suah

August 29, 2020

            Lek tu pawl hrangah Pope ih a sim mi hminsin dingmi tongfang  pawl cu an kom khawm ih "a lektu pawl hrangah a thu pi bik a sim mi tongfang pawl" timi hmin in Vatican ah cauk a suak zo.

            Cui cauk ah Italy bawlung lek tu Francisco Totti, Kenyan marathon tlan tu Taegla Laroupe le taksa tang lam a dam lo tu formula mawtaw mawng tu Alex Zanrdi pawl ih tahthim nak khal a tel. June thla 19 ih tuah mi taksa tanglam a dam lo tu pawl ih hand cycling zuamawk nak ah kum 53 a si zo tu Zanardi cu a nasa zet mi rin lopi ih thil cang mi pakhat a tong. Pope in "nangmah parih a cang mi thil cu rinlopo ih colh nak ihsin ziangtin na thok sal ding timi hrangah tahthim nak a pe.

            Nangmah ih na dam lo nak cu leitlun mi pawl hrangah zir dingah leh pan nakin nunram cu san nei zet in ziangtin nun ding timi cu a hmuh timi tong thawn a hnen ah alung a awi thu khal ca in a kuat. 2016 kum Vatican leh pan nak puai ah Pope in leh pan nak cu minung nun nak a khaisang thei tu man a nei mi minung pawl ih tuah tuan nak a siih, Diocese pi si nakin leitlun lehpaan nak sungah lungawi nak thu thang le minung zate parih a ret mi Pathian ih duhdawt nak cu keng dingah zuam a si thu a rak sim dah. Himi thuthang cu CNA thuthang ihsin kan ngah mi a si.

https://bit.ly/2GkUzL0