Thlang Korea Catholic mipi pawl ram uktu in a lawm (August 24, 2020)

Thlang Korea Catholic mipi pawl ram uktu in a lawm (August 24, 2020)

          Thlang Korea ram uk tu Moon Jae-In in a liam zo mi February thla ah Covid-19 a thoh ihsin Catholic kawhhran pawl in, bawm a tul tu pawl zamrang ten an bawm ruangah a lungawi thu a sim ih peh bet vivo khal in Covi-19 pulh nat ruangah thinthanau mi ram mipi pawl thintha tho dingah le lungrual ten ram mipi pawl him dingah hoha ding a si thu a mah rori khal Catholic mi pakhat a si mi ram uktu in zaangfah a dil.

          Rome uktu in a tui thil cang mi cu thuk zet in tuar a si thu, ziangah tile quarantine ret um nawn lo in an khar nak a tam vivo a si le a cozah in nat rinhleh mi pawl a dang ten ret nak ding a um nawn lo. Cu mi ih a rah suak nak in rammipi pawl ih sumdawnnak sim cawk lo in a sung ter.

          Seoul Archbishop ih Cardinal Andrew Yeom Soo-Jung khal in hi mi pulh nat thu thawn pehpar in Catholic khawhhran si nakin rampi thawn kom aw in tuan tlang ding a si thu, cu tivek in kawhhran mipi pawl khal harhdam nak lam ih lam hmuh mi vek in nat hlo dingih tuah tuan nak khal forhfial ding a si thu a sim.

          A liam zo mi February thla Covid-19 a hmaisabik a thok nak cu mipi pawl thawn biak khawm nak cu April thla tiang tuah lo dingah an than. Hi mi thuthan nak ruangah Korea tikulh ih Catholic kawhhran pi pawl thawn biak khawm nak cu April thla tiang thuanthu ah kum 236 ah kawhhran mipi pawl thawn Missa raithawinak cawlh nak caan a si.   Rome sungih nat karh nak cu August thla 20 ni ah 288 an um thu, curuangah nat suan mi mina pawl letthum in an karh thu, thlang Korea ram ah nat ngah tu 16670 an um ih hi mi nat ruangah nunnak a liam tu 309 an um zo a si.

          Thlanglam Korea cu Tuluk ram hnu ah hmunkhat a burbur ih nat suan a tuar tu ram pakhat a si.

          Nasa zet ih a can sal nak thuhla cu August 15 niah Pastor pakhat ih a cozah dodal in thlacam khawm nak in a thok a si. Nat suan tuar tu 53 cu Sarang Jeil kawhhran thawn a pehpar tu pawl an si ih nat nei tu minung 676 tiang a thang ter. Za leng lo a si mi Presbyterian kawhhran mipi pawl khal zoh fel ding lai a si.

          Rome pi si nak in minung 25 um nak Seoul ramthen kiangkap ih Biakinn pawl ah minung tonkhawm awk nak tuah lo dingah an kham. Cu ti vek in suan awk nak a ol ding mi Karaoke bor, buffet dawr, internet hman thei nak lak phak dawr pawl khal khar dingah an sim.

          Seoul ramthen cozah in August 21 ihsin thok in minung 10 tlun pumkhawm nak tuah lo dingih thupek nak khal August thlacem tiang an than. Hi thuthang cu August 24, 2020 ah RVA thuthang ih kan don mi a si.

Source: RVA News

https://bit.ly/3lI1r5q