Pakistan ah Catholic nunau pakhat a kaitu hnen ihsin a tlan suak August 29, 2020

Pakistan ah  Catholic nunau pakhat a kaitu hnen ihsin a tlan suak

August 29, 2020

            Ram tinkim ih ngaih tuah rero mi Pakistan ram ih Catholic nunau Maira Shahbaz cu a mah a kai tu mipa ih inn ihsin a tlan suak. Cuihnuah cu nu cu police zungah a feh ih, Mohamad Nakash timi mipa in cu nu cu a kai sal ih, duh lo cing in a neih thu, cu nu a sual pi lai video a zuk thu taza a cuai. Aliamzo mi April 28 ah cu nu ih tlawng kai nak tlawng ihsin a tlun nak lamzin ah cu pa tel in mi hrek khat in an kai.

            Cui hnuah cu nu cu a nu pi tiin a duh lo na cing in lungkimnak ca a ngan ter. Cu nu le a inn sang pawl cu that dingah a hringhro thu khal an sim. Cupa cu a dodal asile a video pawl line par ah thlah ding tin khal a hringhro. A tu ah cun cu nu le a nu, a unau pawl cu an tlan. Nunau nu khal thinlung sung nat nak nasazet in a ngah ih a tong thei lo thu a rual pi pakhat in a sim. Pakistan  ah kum tin Khristian le Hindu nunau 1000 hrawng cu Islam mipa pawl ih kaih nak le duh lo cing ih neih nak, biak nak thawn ter nak pawl an tuar tiin mipi pawl in an sim. Himi thuthang cu Aleteia thuthang ihsin kan ngah mi a si.

https://bit.ly/2GrSdKa