Pulhnat caan ah Mother Teresa ih lungput neih a tul thu Cardinal Tagle in sim Sep 5, 2020

Pulhnat caan ah Mother Teresa ih lungput neih a tul thu Cardinal Tagle in sim

Sep 5, 2020

            Mother Teresa nunram cu mi harsa pawl hrang rian tuan dingah a si. Kolkata khuapi ih Mother Teresa ih nun can tha cu leipar minung pawl asi mi Pathian zum tu, zum lo tu pawl hip nak ihsin cawl a theih lo. "A tul tuk mi pawl ih rian tuan tu" asi mi Mother Teresa ih a ton mi thu hla pakhat cu zarh te ni, a nun nak a cem ni (1997, Sep 5) ih kum kim ni a si. Cui ni cu UN in "leitlun hmunkip ih Karuna ni (zaangfah lainatnak)" tiin an tuah. Mother Teresa khal bom a tul tu pawl hrangah duhdawt nakih zohthim tlak tiin an hmin sin.

            Karuna (zaangfahlainatnak ) hnatuan nak cu remdaih nak a tuah. Karuna hnatuan nak cu lungrual nak le remdaih nak a tuah timi hmang in UN in minung pawl le pawlkom pawl cu midang hrang thil tha a cang ter tu nunphung cang vaih nak bawmaw in tuantlang dingah a forhfial thu, UN vekin leitlun pawlkom pi dinhmun in Mother Teresa a thih nak Sep (5) cu "leitlun hmunkip ih Karuna ni" tiin hminsin in an sunloih nak cu nu Pawlpi hrangah san a nei tuk. Ziangruangahtile nu Pawlpi ih fanu asimi Mother Teresa sunloih a si ruangah asi.

            Amah sunloih nak cu leitlun killi ah amah cu remdaih nak nobel suh ngah tu ti lawngin theih a si. Himi suh a ngah nak cu mi harsa pawl a cawm nak ruangah asi thu, mi dang hrang that nak hrangah Mother Teresa leilung pi thawn pehpar mi Karuna hantuan nak pawlkom pawl a kilkhawi tu Mithianghlim pakhat khal a si. Mother Teresa cu 1950 ah a rak din mi "Karuna hantuan nakih rian tuan tu Sister kaing a din ih, leitlun killi ih miharsa mi farah pawl an cawm. Mother Teresa hrangah Karuna hnatuan cu bom a tul mi pawl nasazet ih tuah lawng ah a si lo. Thil fate tuah nak khal a tel tiin a sim. A hman mi Karuna hnatuan cu zangfah nak thinlung a nei tu pawl hnen lawng in a suak thei. Zangfah nak thinlung ih a hram pi cu Pathian a si. Ziangruangahtile "Pathian cu duhdawt nak a si" tiin IJohan 4:8 ah kan hmu thei.

            "Duhdawt nak cu Pathian ih si nak a si. Pathian cu nunnak a suak ter. Sual nak a nei tu pawl a ngai thiam. Thanau pawl a kilhim. Leilungpi a kilkhawi. Mi harsa pawl thawn nat a tuar. Hnon a tuar tu pawl ih kiang ah a um. Bawi Jesuh ah Pathian ih duhdawt nak cu thih nak a neh. Minung tin kim cu "Pathian in a hmuihmel vek in a sersiam." A sersiam nak cu leipar ah Pathian ih duhdawt nak hmuh dingah a si. Mother Teresa cu Pathian ih duhdawt nakin a nunnak thleng a si. Cutiin thleng asi hnu, mi harsa pawl hrang rian tuan phah in Pathian ih hman mi terh fung a si thu, a hman mi zangfah nak cu hnatuan nak in a lang ter.

            Mother Teresa ih thinlung le um daan tha, Karuna hnatuan nak ih Sister pawl ih lungput vek in a tu leilungpi tuar rero mi covid-19 caan ah bom a theih tiin tuikum "2020 leitlun hmunkip ih karuna ni" ih au aw tiin an hril. Minung tinkim ih zangfah lainatnak hnatuan cu mai ti thei tawkin telnak in kiangkap ih mi harsat nak phur rit cu zangter ding in phurh bawm phah in tun din nak le remdaih nak kha cu tha pe in ding tlang ding asi. Mother Teresa ih lungput vekin tui kum "leitlun hmunkip ih karuna ni" tuah phah in keimah cu ziangvek minung pawl ka si" Kanmah pawl cu mino pawl ziangvek minung si ding ah kan tung ding? Kanmah thawn a bang aw lomi pawl kan u pat thiam maw? Ton rero mi pulhnat ruangah a langsar lo  mi duhdawt nak na tharthoh sal maw? Asilole ruahnak men lawngin na um peh bet ding maw? A hlan hnakin a tu ah thin nau in, a tlamtling mi, minung um daan a thlei dang lo mi karuna hnatuan a tuah tu sidingah a thupi ih a tul thu Cardinal in a sim. Himi thuthang cu Vatican thuthang ihsin kan ngah mi a si.

https://bit.ly/2EXXgSx