Bangladesh Karuna pawlkom ih cazir nak tlawngah nauhak pawl kilkhawi nak ahran in zir nak pawl tuah. (September 7, 2020)

Bangladesh Karuna pawlkom ih cazir nak tlawngah nauhak pawl kilkhawi nak ahran in zir nak pawl tuah. Sep 7, 2020.

              Aliamzo mi August thla 18 ihsin 20 niah Bangladesh karuna pawl in an hnatuantu pawl le kawhhran cazir nak tlawng pawlah ca a zirh tu saya/sayamah pawl cu "nauhak pawl lungawi ten tlawng kai nak le humhim nak ngah nak" hrangah bawm tu si dingah zir nak cu fimthiam nak manager Shishir Angelo Rozario le Bangladesh Karuna pawlkom fim thiamnak lamih program sinak nei tu Robert Rocky Corraya pawl ih bom nak in an tuah.

            Dinajpur ram thenih Karuna director Jogen Julian Besra in fimzir nak hmun tinkim cu nauhak pawl hrangah a pahnih nak an inn a si thu a sim. Nauhak pawl cu hmailam hrangah tesinfa thar an si ruangah minung tinkim nauhak kilhim nak hnatuan ah tel al tul thu khal a sim.

            Dinaijpur Diocese ih fimthiam nak commission ih a tel tu Fr. Francis Murmu khal in nauhak kilkhawi nak hrangah ziang tinkim tuah dingah a forhfial tu Pope ih forhfial nak tong khal pehpar in inn sang pawl le cazir nak pawl cu nauhak pawl ih hmailam that nak ding hrangah ahleice bik mi a si thu" a sim. St. Francis suak thuan tlawng cu ca a zirh tu saya pakhat asi mi Anjulina Kujur in nauhak pawl kilhim nak hrangah tampi zir a si thu a sim. Himi thuthang cu RVA thuthang ihsin kanngah mi a si.

https://bit.ly/2ZlK154