America Bishop pawlin mi farah pawl thawn hmunkhat ih um pi nak cu lothlo pawl ni ah an lang ter. Sep 6, 2020

America Bishop pawlin mi farah pawl thawn hmunkhat ih um pi nak cu lothlo pawl ni ah an lang ter.

Sep 6, 2020

            Ramsung thudik le minung thanso nakih hotu asimi Oklahoma khuapi ih Archbishop Paul Coakley cu hmunkhat ih um nak, zangfah nak le bangran nak um dingah, covid-19 pulhnat ih siatsuah nak a theh suak tikah a tha deuh mi minung pawlkom din tlang dingah lothlo ni hrang suah mi caah a ngan.

            Covid-19 nat cu nat suannak nuam teten a tam vivo nan mi tampi cu thinphan nak le in ei hrangah tuan lo theih loin hna an tuan. Sep 2 ah suah mi thuthang ah "Pathian ih hmuihmel vekih sersiam mi minung sinak cu neih dingmi nunphung pawlkom ih a laifang ah um nawn loin thenkhat hnatuan nak hmunpawlah thudik um nawn loin humhim nak ngah nak hnakin hlawk nak ngah nak lawngah a thupit" tiin Bishop Paul in a suah.

            Pope ih ca thar "pulhnat theh hnu nunram" timi cu ahleice ah retin "Pathian cu a fate pawl hnong loin hi leipar ah mawi nak tuah sal ding ah le ruahsan nak kha suahsal dingah minung pawl thawn um in ahleice in nat a tuar tu pawl thawn a um thu asim ih (Thuphuan 21:5) le Profet (Ezekial 43:19) ih Bible ca vekin "Pathian cu thil thar a tuah" timi ruahsan nak a lang ter.

            "Nat nak thawn a khat mi kan leilungpi hrangah tuah rero mi Pathian ih dam ter nak hnatuan ah tel thei dingah thluasuah dil dingah" a forhfial ih lothlo ni Missa raithawi nak ah siar dingmi (Saam 5:9) "Aw Bawipa, lamzin hman ah in hruai hram aw" timi Bible ca tlang cu tuah dingah khal a forhfial. Himi thuthang cu Vatican thuthang ihsin kan ngah mi a si.

https://bit.ly/32aW4ni