Bangladesh ram ih Catholic siizung pawl ah Pope ih a hlut mi thawthawt bom nak cet pawl thawn covid-19 minaa pawl tuamhlawm September 10, 2020

Bangladesh ram ih Catholic siizung pawl ah Pope ih a hlut mi thawthawt bom nak cet pawl thawn covid-19 minaa pawl tuamhlawm

September 10, 2020

            Bangladesh ram ih Catholic kawhhran ih covid-19 nat dokham nak hrangah Dhaka, Dinaijpur le Jessore khuapi ih siizung pawl ah Pope ih aiawh tu ihsin thawthawt bom nak cet 3 a hlu tu Pope hnen an lung awi thu an sim. Covid-19 nat cu dokham rero tu pawl bom nak ti lawng siloin an kiang nai ih a um pi nak tiin Pope cu harhdam nak kilkhawi nak thazang mal mi ram 13 ah thawthawt bom nak cet 35 a hlut thu Pope ih thuthang zung ihsin June 26 ah an than.

            Dhaka khuapi ih um St. John Vianney siizung ih hotu upa Fr. Kamal Vorraya in Pope ih laksawng cu anmah hrangah thluasuah pakhat asiih, cui laksawng cu covid-19 do nak hrangah a that hnem tuk thu a sim. Bangladesh ram ah Catholic kawhhran cu siizung 12, siipek nak khaan 78, pharnat dam ter nak 6 le kum upa pawl le taksa kim lo pawl hrangah um nak hmun 15 tuah dingah tawlrel rero asi thu theih a si. Himi thuthang cu Vatican thuthang ihsin kan ngah mi a si.

https://bit.ly/2DYUFXV