Kawhhran pi ih a suah mi ruahsan nak thuthangtha cu Philippine cozah in a tuah August 26, 2020

Kawhhran pi ih a suah mi ruahsan nak thuthangtha cu Philippine cozah in a tuah

August 26, 2020

            Nat sia ih do nak nasazet ih a tuar tu kan ram mipi pawl hrang a thupi zet mi "ruahsan nak" thuthangtha asimi "mah le mah siat suah ter thei tu thil tuah lo dingah" kan thlarau lam hotu pawl cu a thupi ah ret ih a sim duh thu Jesuit pawlkom ih secretary Menardo Guevarra in thuthang hnatuan tu pawl hnen a sim.

            An dinhmun in Catholic kawhhran pi le a dang Khristian unau pawl khal an ti thei tawkin pulhnat sia ruangah thinnau nak, thin bangnak a tuar rero tu pawl hnem nak ruah nak peknak program pawl tuah sak dingah a cah zo thu, pulh nat sia ruangih nehhnu ih a cang ding mi that lo nak cu mah le mah thah awknak pawl khal a tam vivo thu khal an rel khawm thu, sawm nak caan, ram sung mah le mah thah awk nak thu le thin nau nak a tuar tu mipum an tam nak cu pulh nat ruangah a tla sia rero mi sumdawn nak pulhnat cu mawh an phurh cio. Lockdown caan khal mah te lawng um nak le thinbang nak a cang ter.

            Leitlun harhdam nak pawlkom khalin "thinlung lam harhdam nak cu minung pakhat cio mai tuar mipawl cu daiten sup thei nak a siih, cui thinlung tuar nak dinhmun cu kiangkap ih a um tu pawl thawn tuar tlang nakin that nak a um thei" tiin a sim.

            Thinlung lam siibawi pawl ih an hmuh nak vekin pulhnat a thawh caan ihsin thok in ramsung ah thinlung lam nuam lo nak tuar tu an than vivo thu, ziangruangahtile minung nunnak cu covid-19 a um hlan vekin hmanhman ten kan thleng sal thei pei maw. Himi pulhnat pi thawn minung nunram cu ziangtin kan pah thei ding timi thinphan nak thu cu anmah pawl hrang thinphan nak, a him lo mi thinlung pawl a tam ter thei thu, pulh nat karlak ah sumdawn nak, sumpai pawl cu ziang tin hawl in kan nun thei ding. Rinlopi ih a thleng aw mi nitin um tlan daan cu ziang tin kan nung thei ding. Nat suan ding ti phan nak thinlung, nat suan tuar zo ih thih tih nak thinlung, innsungsang pawl, sungkhat pawl nat an kai ding ti phan nak thinlung pawl, nat suan tuar asi khal le siivai tuamhlawm nak tikcu khel in lak a theih le theih lo cutivek ruah nak tampi cun Philippine mipi pawlih thluak ruahnak a ei rero thu an sim a si.

            Covid-19 ruangih a cang rero mi dinhmun cu rualpi si nak pawlkom pawl thawn pehtlai in thinlung lam le ruah nak lam cu tuah daan thar thawn tuah ding tiin leitlun harhdam nak pawlkom in a sim. Covid ruangih a na mi thinlung lam le ruah nak lam ih nehhnu a cang dingmi cu an tuah rero. Philippine ram ih Kaloohon Diocese cu covid ruangah thinlung a buai ih, ruah nak a hman lomi pawl, beidong mi pawl kilkhawi nak an tuah rero zo.

            Phone thawn pehtlai in, hnem nak ruahnak peknak tuah nak khal an tuah zo. Cui tuah daan cu " Covid hope line" "covid ruahsan nak line" tiin hmin an pek. Covid-19 ruangah lockdown caan ah Philippine ram sung thinlung lam, ruahnak lam tuar tu an thang rero thu Philippine ram ih harhdam nak lam zung in an sim. Himi thuthang cu Vatican thuthang ihsin kan ngah mi a si.

https://bit.ly/2ZR7QBO