Covid pulh nat ruangah Catholic thlacam khawmzawhnak hmun pawl ah minung an mal ih harsat nak um. September 21, 2020

Covid pulh nat ruangah Catholic thlacam khawmzawhnak hmun pawl ah minung an mal ih harsat nak um.

September 21, 2020

            2020 kum cu khawmzawh nak pawl colh kum  a si. Kum tin minung tan 300 ihsin 330 cu khawmzawh nak hmun ah an feh. Cui khawmzawh nak hmunih a um tu pawl ih sumdawn nak khal khawmzawh tu pawl par ah a bun aw.

            Leitlun ah a hmin thang mi khawmzawh nak hmun pawl cu America dolar 18 billion hrawng cu siah tiin kumtin na ngah. Jerusalem khuapi ih Church of Holy Sepulchar cu leipar ah khawmzawh tambik an feh nak hmun a si. Cui hmun cu Bawi Jesuh harsat a tuar nak le a thawhsal nak hmun a si. Cui hmun cu covid ruangah thla hnih an khar ih, May thla ah an ong sal ih veikhat ah minung 50 lawng an on.

            Thianghlim leiram   (Holy Land) a kilkhawi tu Franciscan Siangbawi Fr. Francesco Patton in Jerusalem ah thlaruk sung zovek khawm zawh hman a hmuh lo thu, Rome khuapi ih thuthang zungah a sim. Cuvek thotho in Portugal ram ih Fatima Bawinu mangbangza a hmuh nak hmun khalah covid ruangah May 13 ih a thleng mi Bawinu mangbangza a hmuh nak puai ni cu an tuah thei lo. Cuihleiah Fatima khawmzawh nak hmun ah khualtlawn nak hnatuan tu pawl khal harsat nak an tong ih, hnatuan caan mal nak, khual tlawng pawl lam hmuh nak an tuah thei lo.

            Cutivekin France ram ih Bawinu mangbangza a hmuh nak Lourdes Bawinu khawmzawh nak cu kumtin minung ting 50 hrawng an feh nak a siih, a tuah cun luh an on lo ruangah online ihsin lawng hmuh a theih tiin theih a si. Himi thuthang cu Aleteia thuthang ihsin kan ngah mi a si.

https://bit.ly/3clExwc