Covid caan sung California biakinn ah Missa raithawi nak tuah thei nak tidaan a um (September 17, 2020)

Covid caan sung California biakinn ah Missa raithawi nak tuah thei nak tidaan a um

September 17, 2020

            Covid rikhiah nak a um nan, California Sacramento ih a um mi Cathedral of the Blessed Sacrament Cathedral biakinn ih a leng lam phar kiangah kawhhran mipi 100 hrawng cu a liam zo mi zarhpi sunah khawm aw in Missa raithawi nak ah an tel thei.

            Sacramento hmun cu California ah covid zoh fel nak cazin sung ih a tel mi hmun pakhat asithu innsung innleng pumkhawm nak zaten an kham. July thla ah rikhiah mi pawl an dem ter ih Sacramento Bishop Jaime Soto in a leng ah Missa raithawi thei nak a pek.

            Sacramento Diocese cu zarhpi cun Missa raithawi nak ih tel nak cu an khar rero nan a liam zo mi zarhpi cun ah kawhhran mipi 100 cu Cathedral ih an thlen thu, kaa huh nak hmang in, pi 6 hlat ih an to thu, tuanvo nei tu Siangbawi khal sawng 3 a sang mi Cathedral a dung lam lilawn parah um in Missa raithawi nak a tuah.

            Ngaingai asile cu kei cu a sang ih kai tih tu ka si tiin Missa raithawi nak a tuah tu Siangbawi in a sim thu, Kawhhran sungtel pakhat asimi Maria Balakshin khalin amah in amawi zet mi biakinn sung lam mawi nak cu ngai thu, asinan a leng lam ih Missa raithawi nak tuah nak ih a nuam nak khal a tha zet mi thlarau lam hmuhton mi a si thu le himi kawhhran mipi pawl cu mai zum nak taktak in a tuah duh tu a hman mi Khristian pawl an si tiin an sim thu cu Aleteia thuthang ihsin kan thei a si.

Source: Aleteia

Photo courtesy of: Photo Courtesy of Pauline Bartolone/CapRadio

https://bit.ly/3hS5ybT