Pope Francis in Mithianghlim thar sinak pek dingah lungkim pi neinak. September 30, 2020

Pope Francis in Mithianghlim thar sinak pek dingah lungkim pi neinak. September 30, 2020
    Kan dung tlawngkai ni 2 niah Pope in pumpe in Pathian riantu pawl mithianghlim sinak pe dingah ni lungkim pinak a nei zo a si. Cui mithianghlim sinak pek nak cu thu luu pathum hnuaiah an pe ding a si. 
    A hmaisabikah midang thawn bangaw lo mi nuntu zia ih a khat tu pawl, a phun hnihnak ah cun mai zumnak ruangih thah a tuar tu pawl an si. Hi tivekih cang dingah cun Pathian hrangih pumpe ih hna a tuan tu pawl ti ih ngamhnget mi pawl an si ih an hnenih thlacamsak dingin dilnak a ngah pawl parah langnak mangbangza fiangzetih tetti a nei tu pawl an si.
    A tui  mithianghlim sinak pek dingih hril nak a ngah tu pawl lakah Sister 2, Siangbawi 4 le khawhran mipi lakin 1 an zaten 7 an si. Cupawl hnenih thlacamsaknak a dil tu pawl hnen ih mangbangza hmuhnak, cui mangbangza langnak khal cu mithianghlim si nak peknak zungin an namhngetnak an nei zo a si.
    Mithianghlim sinak pek ding mi ah  Khrih hrangih thahnak a tuar tu pawl cu Spain ram mi an si-ih Pathian rian tu a si mi Francesco C'astor Sojo lopez le a rual pi 3 pawl an si. Anmah pawl cu Siangbawi an si ih kum 196-1938 sungah Spain ramih biaknak lamah huat tuarnak thawn thah a tuar tu pawl an si.
    A dang pawl cu Pathianthu ruangih thatnak a tuar tu pawl an si lo. A sinan nunphung khuasaknak sungih an nunnakah, mi menmen pawl ih nun pi thei lo  mi a lamdangzet mi nuntuzia(Parame) tha hleice ih a nungtu pawl an si-ih Pathian ah Pumpe tu pawl a si mi Francisca Pascual Domen'ech (Congregation) sungtel pawl tla an tel. A dangpakhat cu Spain ram mi a siih sual hram nei lo ih a sem mi Francoscan Sister pawl kai din tu a si. A mah cu 1833, Oct 13 niah Spainram Moncada ah a suakih 1903, April 26 ah a thi.
    Pathianah pumpe ih hna a tuan tu a dang pakhat khal cu Sister pakhat a si ih Spain ram mi thotho a si. Amah cu Maria Dolores Segarra Gestoso a si. A nih khal cu Sister pakhat a si ih Khrihih Puithiam ti ih hmin nei mi Sister Kaing din tu a si. Amah cu 1921, March 15 niah Spain ram Melillaah a rak suak ih 1959 March thlaah Spain ram Granada ah a nunnak a rak cem. Hi mi thuthang hi Vatican thuthangih kan ngah mi a si.

https://bit.ly/3ixbG9H