Pulhnat sungah a dang lam hleice mi Parish pawl laksawng pe ding October 3, 2020

Pulhnat sungah a dang lam hleice mi Parish pawl laksawng pe ding

October 3, 2020

            Covid pulhnat sung Biakinn pawl khar asi ruangah then khat Parish pawl le Siangbawi pawl cu online ihsin khal siseh, karuna hnatuan nakin siseh kawhhran mipi pawl thawn pehtlawi aw thei dingah zuam in thuthangtha an phuang. Parish thenkhat cu Missa raithawinak live thlah nak, a dang thla cam caan pawl le Pathian thu pawl an thlah. Cutiin media hmangin a zuam rero tu kawhhran pawl hrangah "mangbangza asimi Parish" tiin hmin a nei mi pawl cu hril in laksawng pek ding a si. Cui program cu America Boston Catholic Diocese ih a lar zet mi cangan tu saya le kawhhran sungih phur zet ih a cangvai tu Siot Landry ihsin a thok.

            Amah cu cui porgram ruah asi nak cu a rei zo ih a tui pulh nat caan ah tuah taktak a theih thu a sim. Cui laksawng cu mai Parish hrangih a dil duh tu pawl cu October 19 hlan ah kuat ding a si. Cui laksawng ah thuhla 16 a tel ih pathum cu media thawn a pehpar aw. Cui hleiah thuthangtha karhzai ter nak, Parish thuhla karhzai thei nak le upa pawl mangbangza in thacak zet in thuthangtha a zai ter tu Parish pawl hrangah a siih kumtin pek thei dingah tumtah nak an nei tiin theih a si. Himi thuthang cu Aleteia thuthang ihsin kan ngah mi a si.

https://bit.ly/34vLnfg