Beu nak a hawl tu miharsa pawl hrangah Sr. pawl ih inn cu Pope in a hman ter. October 12, 2020

Beu nak a hawl tu miharsa pawl hrangah Sr. pawl ih inn cu Pope in a hman ter. October 12, 2020

Catenia ih Servants of Divine Providence Sister kaingin Italy ih a thleng tu beunak a hawl tu miharsa pawl beu thei dingah inn pakhat cu Rome khuapi ih um Pope Francis ih zaangfah lainatnak thawn man lo in an rak hman ter.

         Hi thu cu Pope Francis ih zaangfah lainatnak programme tuanvo nei tu a si mi Cardinal Konrad Krajewski in tlawngkai nikhat ni ah ca a rak suah ih Sister pawl in Pope Francis in tu bai te ih a rak suah mi Fratelli tutti capi ih sawmnak an leh nak a si thu a rak hmuh.

         Sr. pawl in Boader cu milai le milai zawn ruah nak thawn pehpar mi pawlkom ih bawmnak in Italy ih a rak thleng tu beunak a hawl tu miharsa pawl, a thupibik in pasal nei nawn lo mi nu pawl, kumkim lo mi nauhak a nei mi nu pawl, harsatnak um mi innsungsang pawl tha an nei deuh ding tiah a sim.

         Mipum 60 hrawng um thei nak ding inn a si ih a hmaisabik thla pawl ah an kilkhawi ih neta lam cun beunak a hawl tu mifarah pawl hnatuan ngah dingin an bawm ding thu, a par lam ih pawlkom programme ah mipum 2600 hrawng a rak bawm.

         Beunak a hawl tu miharsa pawl cu Pope Francis in a thinlung sungah lungawi sopar ten a bawm thu, Lesbos ah 2006, April 16 ah a rak tlawng ih a tlun nak lamtluan ah Pope Francis a mah rori in vanzam parah Syria miharsa 12 a rak bawm tiah a rak sim.

Hi mi thuthang cu October 12, 2020 ah Vatican thuthang ih kan ngah mi a si.

Photo courtesy of: AFP or Licensors

https://bit.ly/3k22cFa

https://bit.ly/3jXgTJE