Carlo Acutis Mithianghlim a cang ter tu thil ti thei nak hminsin nak (asilole) suah keh 'pancreas' pumpi lam a tha lo mi nat nak a hlo ter tu October 10, 2020

Carlo Acutis Mithianghlim a cang ter tu thil ti thei nak hminsin nak (asilole) suah keh 'pancreas' pumpi lam a tha lo mi nat nak a hlo ter tu

October 10, 2020

               Carlo Acutis ih Mithianghlim khai sang nak Missa raithawi nak cu October 10 ni Italy ram ih tikcucaan zanlam ah tuah a si. Carlo Acutis ih nun tu daan thu pawl khal online ah sim thei ding zat cu lang ter a si ruangah theih tul ding zat cu theih a si zo. Cutivekin amah Mithianghlim ih khaisang ding mi pawl khal mai facebook ih a hleice cahmai pawlah langter a si. Petbet ih a lang ter tu pawl khal an um. Asinan amah Mithianghlim a cang thei tu dinhmun pakhat a um. Cui dinhmun cu thiltithei nak tin an ko. Cui thil ti thei nak cu a tu ah ka run lang ter duh.

              Carlo Acutis ih thlacam sak nak ruangah a dam sal tu cu Matteus tin an ko. Amah cu Brazil ram mi a siih, a suah keh in 'pancreas' pumpi lam dam lo nak tuar tu a si. Curuangah an nufa cu Carlo Acutis Mithianghlim khaisang thei dingah thlacam sak nak ngah dingah thla an cam. Matteus cu 2009 kumah harsa zet in a suak. Cui nat nak ruangah rawl ei dingah a harsa zet. Zuam zetin a ei tik khalah a pum a naa. Curuangah a pumpi in rawl pawl a duh lo. A luak sal.

              Amah cu kum 4 hrawng a kimtiang a taksa rih cu pound 20 lawng a um. A pumpi ih a pom mi Vitamin le protein pawl lawng rinsan in a nung rero. A nun dam thei nak dingah ruahsan na a mal. A nu Luciana Vianna in a fapaih harhdam nak thasal dingah a kumkum a thlathla in thla a cam. Cutivekin innsang thawn a nel aw mi Fr.Marcelo Tenorio khalin Carlo Acutis ih thlacam nak dil dingah a forhfial. Siangbawi in 2013 ah Carlo Acutis ih nu in a ngah mi ro pakhat cu a kawhhran mipi pawl thawn Mithianghlim tiin khaisang thei dingah mai tuar rero mi ziangvek nat khal siseh dam dingah Carlo Acutis ih thlacam sak nak dil dingah Missa raithawi nak tuahin, thlacam nak program tuah in a forhfial.

              Hminsin dingah, Cui caanah Carlo Acutis cu Mithianghlim khaisang nak dingah a tul mi phunthum sungah "Pathian ih rian tuantu" tiin hminsin a si zo. Curuangah Matteus ih nu khal a fapa hrangah thlacam dingin a potcat. Cui ni a thlen hlan ah a nu cu Carlo Acutis ih thlacam sak nak cu dil dingah Novena a tuah zo. Cutiin a tuah cu a fapa hnen khal a sim ih thla cam dingah a zirh.

              Carlo Acutis Mithianghlim khaisang thei nak thlacam nak program cu tuah thok niah a nu cu a fapa, midang pawl le Siangbawi ih um nak biakinn ah a feh. Cui caan ah Siangbawi in Italy thuthang zung pakhat a sim. Cui thil cang mi cu 2013, October,12 Carlo Acutis a thih hnu kum 7 nak ah a thlacam sak nak dil in a zuk cu upat nak an pe. Cutivekih uapt nak pek nakah, pumpi nat tuar tu mipa pakhat ih caan a kim tikah cui mipa in ziangvek rawl khal siseh a luak thu, curuangah dam nak thluasuah dil dingah tumtah in upat nak a pe. Cumi ihsin thok in mangbangza dam nak a ngah.

              Missa raithawi nak le thlacam theh ah inn a tlun nak lam zin ah Matteus cu amah ih a tuar mi dinhmun kha a nu hnen a sim ih, a nat nak a dam thu a thei. Inn ih a thlen ihsin aalu keu a ei duh thu, rawl a ei duh thu, pee hmeh, saa rawh a ei duh thu a sim cih. Ka di duh tiih a timi rawl pawl cu a unau pawlih an ei duh mi inei a si.

              Ka ei ding a timi pawl cu a pakaan sung ah an ret sak ih a zaten a ei. A hlan ih a cang mi luak nak khal a um lo. Cumi zan lawng ah cutin a ei thei siloin neh hnu khalah cutivekin a ei thei. A nu cu a fapa ih thleng awk nak cu a zum thei loih siibawi hnen a feh pi ih a dam thluh thu a thei. Matteus ih nu in Brazil thuthang pakhat hnen a simnak ah himi mangbangza cang nakin Gospel thuthangtha zem darh nak a ngah thu, a hlan ah a phone hman a hmang dah lo htu, fim thiam nak thawn a hlat thu, Carlo Acutis in a ruah nak khal a thleng sak thu, a internet ah mi tampi hrangah Gospel thuthangtha phuang nak a si ding tiin a ruah san thu, san a man mi thil zaten thaten hmang asile that nak a pek thu tuini ah ka thei fiang tin thu zingzoi tu ih a suh mi zaten a san nak a pe theh. Himi thuthang cu CNA thuthang ihsin kan ngah mi a si.

Photo courtesy of: Campo Grande News

https://bit.ly/3k5rySk