Pope Francis in leitlunhuap Pathian hnatuan ni cing ringring dingah a tuah. October 18, 2020

Pope Francis in leitlunhuap Pathian hnatuan ni cing ringring dingah a tuah. October 18, 2020

          Tui ni cu leitlunhuap Pathian rawngbawlnak ni a si. Tu ni ah a lungawi thu le Pathian hnenih a lungawi thu Pope Francis in a rak sim. Ziangah tile a nuam ih lungawi thu sim a tul tiah Italy ih Pathian hnatuantu Fr. Pierluigi Macalli ih kaih a tuar hnu ah an rak thlah sal. Hi Fr. cu 2018, September 17, Niger ah kaih a rak tuar. A hnenah 2020 October 8 ni ah an rak thlah. A mah cu a kai tu pawl kut sungah kumhnih a rak um.

          A kai tu pawl ih phuaih cu jihadist pawlkom an si. Fr. thawn kaih a tuar mi a dang pathum khal an rak luat. Pope si nakin Pathian hnenih a lungawi thu, ziangah tile Fr pa luat nak ding hrangah caan reipi an rak hngak. Fr. thawn kaih a tuar tu a dang pathum khal an thlah sal ruangah a lungawi thu, Pathian hnatuan tu pawl, Pathian thu sim tu Saya pawl, kaih a tuar tu pawl, hrem a tuar tu pawl hrangah Pope in thla a cam sak ringring thu a rak sim.

Leitlunhuap Pathian hnatuan tu pawl ih puai ni

          Pope in tu ni ah Nu Pawlpi in leitlunhuap Pathian hnatuanni cu cing ringring dingih an tuah rero thu, tu kum ih tuah dan ah Prophet Isaiah ih Cathianhlim sungih lak mi “tihnimnak lak nak le thlah nak” suakkhat unau thinlung a hngetkhoh deuh ter thu pawl a si. Leitlunhuap Pathian riantuan Ni cu Pope Pius 11 nak in 1926 ih a rak nemhnget mi a si. Hi vek ih tuah nak cu Catholic kawhhranpi pawl khal in an mah rori Pathian hnatuan dingih tuanvo an neih thu, mah rori thatho zet ih Pathian hnatuan thei lo khal le Pathian hnatuantu pawl bawm dingih tuanvo an nei.

          Curuangah Nu Pawlpi ih Pathian hnatuannakah thlacamnak, a dang ti daan tha pawl thawn bawm dingih tuanvo an neih thu thei dingah a si. Thuthangtha karh zai ter nak cu kawhhranpi men men pawl in mai nunram a ap tu pawl ih upat tlak zet mi a si thu, Christian tin cu suakkhat unau thinlung a keng tu pawl an si thu, Pathian hnatuantu pawl, Puithiam pawl, kohhranpi pawl, mai nunram Pathian hrangih a aptu pawl cu hi suak khat unau thinlung cu danglam zet ih nung dingah tuah a tul.

          Hi Pathian hnatuannak hrangah kawh nak a ngah. Curuangah cu pawl hrangah thlacam sak cio uh si. An mah khal cu a tuan ngaingai mi bawm nak pawl khal pe uh si tiah a rak forhfial.

          Hi thuthang cu 18 October 2020 ah Vatican thuthang ih kan ngah mi a si.

Photo courtesy of: (AFP or licensors)

https://bit.ly/359o1fz