Chile Bishop in Biakinn siatsuahnak pawl a mawhthluk October 18, 2020

Chile Bishop in Biakinn siatsuahnak pawl a mawhthluk

October 18, 2020

              Chile khuapi Santiago Archbishop in Biakinn pahnih meisa ur nak pawl cu a mawhthluk thu le Biakinn tuah sal dingah kawhhranpi pawl tha a pek thu zarhpi sun ah a suah. October 18 ah Santiago khuapi ih St. Francis Bolgia Biakinn le The Assumption of our Lady Biakinn pawl an ur. Kum a rei zet zo mi Biakinn pawl an siih, Bawinu Biakinn ih luanglu a kang siat ih St. Francis Biakinn khal tuah sal dingah a tul tiin theih a si.

              Biakinn a kang caan ah a siat suah tu pawl cu neh nak puai an tuah tiin an sim. A siatsuah tu pawl cu an daan hrampi rem sal ding thu thawn pehpar in cozah an do nak kum khat kim lom nak hrangih tong aw khawm mi an si. October thla thok lamah thil kuat awknak tlangleng man a sang ruangah a diriam lo tu ram mipi pawl cu bangran lo nak, harhdam nak kilkhawi nak man a kai  nak pawl ruangah duh porh nak an nei. Bishop in zarhpi sunih a than mi ah thil sual tuah nak cu sunnak, natnak lawng a cang ter thu, curuangah thil tha lo tuahnak pawl a mawh thluk thu a sim.

              Khua a dangdang ihsin a tel tu duhphorh tu pawl cun biakinn pawl cu an ur ih meisa mittu pawl khal luh an on lo. Cui thil cang mi ruangah dawr pawl le thil ri tampi a siat ih minung 30 hnak ih tam an thi. "Harsat a tuar bik mi cu mi farah pawl lawng an si ruangah zangfah ding ah le duhdawt nak thawn lawng ziangtinkim neh thei dingah le Catholic pawl khal ral cu ral vekin leh rul sal loin Biakinn pawl kha hmunkhatten remsal ding tiin Chile ram Santiago Archbishop in a forhfial. Himi thuthang cu CBCP  thuthang ihsin kan ngah mi a si.

Photo courtesy of: EWTN NEWS

https://bit.ly/37sIK0W