India ah Jesuit pawlkom sungtel Siangbawi pakhat kai in thawng thlak a tuar. October 26, 2020

India ah Jesuit pawlkom sungtel Siangbawi pakhat kai in thawng thlak a tuar.

October 26, 2020

              Asia ih Catholic kawhhran si nakin India ah thawng thlak a tuar tu Fr. Stan Swamy le amah a pom tu pawl thawn hmunkhat ih um a si thu lang ter a si. Amah cu hmun le ram ih a um tu pawl, rampi daan ih kilkhawi nak a ngah lo tu pawl ih thu neih thei nak a dil sak tu a si. Amah cu kum 83 a si zo. Amah an kaih nak thu, thawng an thlak nak le an mawhpuh nak thuhla cu Asia Bishop pawl pawlkom kha an thin a phang ter ih hleiah a nat ter thu, Fr ih dik lo nak um loih a din nak cu Mahatma Gandhi a man ter sal thu, ziangruangahtile amah khal India mipi pawl ih an thilti theinak kha a dil sak thu, Fr cu a tumtah nak ngah ding ih a zuam nakah thil dik lo tuah nak a tuah lo thu, a thu vekih thawng an thlak nak cu Asia ih a um tu pawl hmuhsuam nak a si thu Asia Bishop pawl pawlkom ih president asimi Yangon Archbishop ih Cardinal Charles Bo in a sim.

              Dodal nak tiih mawh phurh nak, rampi ih zingzoi nak zung in Fr. Swamy cu October 8 ah Bagarcha ah ram rampi dodal nak tiin an kai. Bagaicha cu Jaharkhand ram then ih khuapi Ranchi hmun asiih, cui hmun ih a um tu pawl hrangah caantha ngah dingah dil nak centre phuan nak hmun a si. Ram pi dodal nak le rampi ih thudiklo tiih an hminsin mi pawlkom thawn pehtlaih nak neih nak pawl thawn mawh an phurh. Cui mawh phurh nak cu 2018 ah Maharashtra ramthen, Bhima Koregaon ih a cang mi a thupi bik mi thawn a pehpar aw. Cui Bhima Koregaon ah veikhat hman a thlen lo thu kaih a tuar tu Fr in an puh nak cu a el. Amah an kaih hnu ni khat ah Magarshtra  remthen, Mumbai thuthen nak zungah ram pi ih zingzoi tu pawl in amah cu October 23 ni tiang an kai. A harhdam nak lam ruangah October 23 ah a thu hla cu thuthen nak zung in an cawl ih, neh hnu a ra dingmi thuthen nak cu November 5 ah an thawn. Kaih a tuar tu kum a upa zet mi Fr cu parkinson nat nak thawn a hna a set.

              Hmun le ram ih thuneih thei nak hrangih kaih a tuar tu kum upa zet mi Fr cu pipu leiram ngah sal nak thuthang duh lo cing ih hmun le ram um nak thawn nak pawl a dodal tu cangvaih nak cu kaih a tuar tu mino pawl thlah sal nak ih a zuam tu khal a si. Anmah pawl cu Jharkhand ah a tel tu Maoist pawlkom sung tel tiin puhmawh a tuar tu pawl an si. Asia Bishop pawlih president in "Asia thil man le cui thil man thang nak a tuah tu pawl cu hmun le ram ih um pawl Colony san vekih pehtlaih nak a si thu, hmun le ram ih a um tu pawl kiangkap harsat tuar tu tiin tuah nak asi thu,  a hman ahcun kiangkap a kilkhawi tu pawl, a rem sal tu pawl cu hmun le ram ih um mi pawl lawng an si thu, curuangah kiangkap thu nei tu pawl hrang hmun le ram ih um tu pawl ih thuneih thei nak cu leitlun thuhla asi thu khal ruat cih dingah a duh thu, cuvek thotho in a tam le mal a dil tu pawl, Fr.Swamy vek mi pawl khal zangfah thinpem nak neih ter duh nakin, ram upa pawl sinak in khal theih thiam na nei zet in, si nak nei zet in Fr.Swamy le hmun le ram ih a um tu pawl ih thu neih thei nak khal phur zet ih a cang vai tu upa pawl ih sung tuar ih pek awk kank cu theih pi in kaih mi pawl a zalen  mi India ram mipi pawl tiin zamrangten thlah dingah ruah asi thu zangfah a dil. Himi thuthang cu Vatican thuthang ihsin kan ngah mi asi.

Photo courtesy of: AFP or Licensors

https://bit.ly/35PE0zJ