Pope Francis cu November 2 ah Vatican sungih thlan ah missa raithawi nak a tuah ding (October 28, 2020)

Pope Francis cu November 2 ah Vatican sungih thlan ah missa raithawi nak a tuah ding

October 28, 2020

            November 2 cu Nu Catholic Pawlpi in a thi zo tu thlarau pawl mangsal nak in thlacam sak nak thla thoh nak a si. Pope Francis khal cui ni ah a thi zo tu kawhhran mipi pawl zaten vonmang in thlacam sak dingah Vatican sungih Teutonic thlan ah missa raithawi nak hoha in a tuah ding. Asinan mipi thawn tuah ding asi lo. Missa raithawinak tuah hnu Pope cu a thi zo tu Pope pawl an um nak Vatican leitang khan thlan ah feh in thlacam sak nak a nei ding.

            November 5 zinglam nazi 11 ah Pope cu a thi zo tu Cardinal pawl, Bishop pawl hrangah missa raithawi nak a tuah sak ding. Cui missa raithawi nak cu a dang Pathian biakkhawm nak vekin St.Peter biakinn sungah suan awk nat ruangah mipi rikhiah nak lawng in tuah ding a si. A hlan kum November 2 ah Pope cu Rome khuapi ih Priscilla leitang hlan ah missa raithawi nak a tuah. Cu leitang thlan cu "Queen of the Catacombs" (thlan pawl ih Siangpahrang Bawinu) tiin ti a si. Ziangruangahtile ahlan Pope 7 le thudik hrang thah a tuar tu pawl tettikhan tu pawl an phum nak thlan asi ruangah asi. Cui thlan cu kum zabi2 ihsin an hmang nak cu kum zabi 4 tiang a si. 2018 kum a thi zo mi thla pawl buai ni ah puai ni ah Pope cu Laurentino thlan ah feh in missa riathawi nak a tuah. Cui hlan ah nauhak upa pawl an phum ih hleiah nausiat, thlak mi naute pawl phum nak thlan khal a si. 2017 kum ahcun Pope cu Nettuno ih America ralkap pawl than ah feh in thla a cam. Himi thuthang cu Vatican thuthang ihsin kan ngah mi a si.

Photo courtesy of: ANSA

https://bit.ly/2TGYoO8