Fimthiamnak lam ah Farah harsa mi nauhak pawl le a then aw mi harsa mi innsang ih mino pawl fimzirh nak (June 05,Vatican)

     Fimthiamnak lam ah Farah harsa mi nauhak pawl le a then aw mi harsa mi innsang ih mino pawl fimzirh nak (June 05,Vatican)

     Mission – apostolate hrangih Filipina councilor, Sr,Agustiniada Ouano, in Catholic zumnak cohlang dingah le farah harsa mi nauhak pawl fim zirh dingah, a hleice in a thenawk mi sungkua pawl ihsin ra mi nauhak pawl le rit theih sii pawl cuai tu pawl thlarau lam zumnak cu thuk ter in Bawi Jesuih hnenih hruai dingah mipi pawl a sawm.

       Leaven of the Immaculate Heart of Mary (LIHM), Philoppines ram, Lahuna ih um mi Immaculate Heart of Mary (LIHM) ih mission – apostolate hrang ih Filipina councilor pakhat a si mi, Sr.Ma Tersa Agustiniada Ouano in an congregation in fim thiam nak ih apmak le mino pawl le sungkua pawl ih pawlkomnak thu a rak hlawm.

        Kan community cu 1991, Philippines ah kan rak din ih thuthangtha phuannak ah kan zuamzet ih mino le an sungkua pawl ih pawlkommak thuhla”, Vatican News ah a rak sim. LIHM congregation in minung pawl ih thuthangtha phuannak ih pehtlaihnak thuhla a rak sim.

       “ Mino pawl hnenih thuthangtha phuannak thawng in kan tuah thei mi cu cat bang lo ih Pathian thu lam lamhnuhnak, Bible ca zirhnak, thla tin pumkhawmnak, colhnak le a dang cangvaihnak pawl ihsin a si”, tiah a rak sim bet. Sr.Ouano in LIHM sister pawl ih hnatuan pawl cu an lungnomnak ihsin cangvaihnak pakhat a si tiah a rak tarlang.

        LIHM community ih tuah mi cu miharsa pawl bomnak a si tiah a rak sawhkhih.“LIHM sister tinkim cun tangdor le lungnomnak thawn hi laksawng, kan tuar mi pawl hlannak le Bawi Jesuh in Pawlpi ah rundamnak hnatuan ih sii cang dingah an cohlang”,tiah Sr,Ouano in a rak sim. LIMH Sister pawl in “tirhsiannak thawn thinlung ong in” hna lan tuan tiah a rak sim bet. “LIHM in midang pawl ih tuar nak pawl, hi tuar nak pawl cu duhdawtnak ih thlengsal nak ah a hlawm”.

      Mission – apostolate hrang LIHM councitor khal in LIHM congregation in “hnihsaknak tuar rero mi hi lei tlun ah Bawi Jesuih hmuihmel hmu ding ah midang pawl tha  pe ding ah”, a rak sim. Sr. Ouano in midang pawl tha pe dingah le Pathian ih kawhnak kir sal nak ngam thei dingah mipi pawl thazaang pek nak thawn interview telh in a rak sim.