A vei 16 nak Bishop pawl ih General Ordinary Assembly ah Asia ram in Bishop 16 tel ding. (July 8, 2023)

Asia ih um mi amalbik State 18 in Bishop 30 cu October thla ih tuah ding mi avei 16 nak Bishop pawl ih Ordinary General Assembly thurel tlangnakah an tel tu ding thu Vatican in thu an suah.

Asian State pawl lakah India cu Cardinal pahnih tel in Bishop pali thawn Assembly ah a tambik thlah an si ding. Philippines ram in  Manila Archbishop Cardinal Jose F.Advincula tel in Catholic Bishops Conference sungin Bishop pathum an tel ding.

Asian ram pawl in Assembly  Rorel nak ih a kaitu ding pawl cu Indonasia, Iran, Myanmar, China, Timor Leste le Arab State pawl in an si ding. Cardinal Luis Antonio G. Tagle cu ahmaisabik Pathian thuthangtha karhzai nak thuthawn le Pawlpi ih a thar a si mi  the Dicastery for Evangelization thupit nak thawn a tel ding.

Bombay Archbishop a si mi Cardinal Oswald Gracias cu sungtel pakhat dinhmun menmen in a tel ding.

The Federation of Asian Bishop’ conference ih President a si mi Cardinal Charles Maung Bo cu Kawlram Catholic aiawh in assembly ah a tel ding. The Synod on Synodality  rorel dingah  Puithiam pawl le Kawhhran mipi sungih mi menmen hrekkhat pawl cu October thla ah tonawk a si ding.

Synod a hoha tu ding Pope Francis in direct ih me petu ding aiawh tu 360 sungin then thumthenkhat hrawng hrilnak a nei ding.

Hi mi hrilawknak cu laypeople (mimenmen pawl lole Puithiam a silo mi) an tambik ih kum 2024 , October thla ih netabik capi suahnakah mepe tu a hmaisabik a si ding. Pathian ih fale pawl in hi mi Asembly sungah aiawhtu pawl cu a reihlan ih suah mi Instrumentum labouris ah nunau pawl, deacon pawl, Puithiam pawl le LGBTQ fimnak peknak ih thuelawnak a cang thei mi buainak pawl an reltlang ih thubawhcatnak ah tamdeuh ih tel thei dingah commission thar pawl hrangih duhdaan pawl khal thupit in rel a si ding.

Pope Francis in March 7, 2020 ah Synod on Synodality a rak than.

The International Theological Commission in Synodality cu Khrih ih taksa sungih komawk nakih tuahtuannak le Pathian ih minung pawl missionary riantuannak ih cangvaihnak a si tiah sim.

A synodal Church: Communion, Participation le Mission ti mi thuluu thawn 2023, Octoberah thurel tlangnak an thok dingih 2024 October thla ah a cem ding. Hi mi thuthang cu RVA thuthangin kan don mi a si.