2023 World Youth Day ( Leitlun huap mino PuaiPi) hrangah Kilkhawitu  Mithianghlim pawl lakah Pope St. John Paul II le Blessed Carlo Acutis bet. (May 19, 2022)

leitlun_mino_pawl_puaipi_cu_st.john_paul_ii_le_carlo_acuties_kil_khawi_tu_ah_ret.

 2023 World Youth Day ( Leitlun huap mino PuaiPi) hrangah Kilkhawitu  Mithianghlim pawl lakah Pope St. John Paul II le Blessed Carlo Acutis bet.

(May 19, 2022)

         Lisbon ih Patriarch, Cardinal Manuel Clemente in Poland ih Pope a suahnak kumkim May 18 ah an ram kilkhawitu pawl Mithianghlim  (patrons) thar pawl a rak tarlang. Kum 73 a kim zo mi Cardinal in Portugal khualipi ah August 1-6, 2023 ih tuah ding mi leitlunhuap Catholic mino pawl pumkhawmnak puai ih kilhimtu tiah a sim.

         A dang kilkhawitu Mithianghlim ih tel mi pawl cu St. John Bosco, St. Vincent of Saragossa, St. Anthony of Padua, St. Batholomew of Braga, le St. John de Brito pawl an si. A tang lai mi an ram kilkhawitu pawl cu Blessed Joanna of Portugal, Blessed Joao Fernandes, Blessed Maria Clara of the Child Jesus, Blessed Pier Giorgio Frassati, Blessed Marcel Callo le Blessed Chiara Badano pawl an si.

         Clemente in ‘an mai santiluan ciar ah 2023, Lisbon WYD ih kilkhawitu (vengtu) pawl in Khrih ih nunram ih mino pawl cat bang lo in a silhkhah ih a run ringring. Kan siar tlang, an mah thawn kan suak tlang” tiah a rak sim. World Youth Day cu a thok lam ahcun August, 2022 hrang schedule cia mi a si. Asinan, Vatican in covid nathrik ruangah cui kum ah an schedule mi cu ni a rak thawn sal.

         Timtuahnak pawl hoha rerotu Bishop in hi thil cang cu pulhnat a can lai ah ruahsannak thar ter tu caantha pakhat a si tiah 2021 ah CNA thuthang ah a rak sim.“2023, Lisbon ih WYD (world youth day) cu mi zapi hrang si dingah le covid caan ah ruahsannak thar ter tu caantha pakhat si hram seh,” tiah Bishop americo Manuel Alves Aguiar in a rak sim.

         Hi thuthang cu RVA thuthang ih kan ngah mi a si.

https://bit.ly/3Ly2rom

Add new comment

14 + 1 =