“A thar hril mi President cu mipi pawl rian dingah” thlang Korea Bishop pawl in forh fial. (April 5, 2022)

“A thar hril mi President cu mipi pawl rian dingah” thlang Korea Bishop pawl in forh fial.

(April 5, 2022)

              Thlang Korea ram Catholic Bishop pawl in President asi mi Bishop Lee Yong-hoon le Seoul Archbishop Jeong Sun-taek pawl in a thar hril mi President hnen Korea mi pawl ih tul mi pawl thangso dingah tuah in rian dingah an forhfial. Bishop pawl in hi mi forhfial nak cu Seoul Archbishop ih social ihsin President Yoon Suk-yeol hnen kuat in an forhfial. A tui a thar hril  mi President cu a hlan ah lawyer a siih, mipi thuneihnak party ih hotu khal asiih march 8 ah thlang Korea President tiin an hril.

              Korea ram ih Catholic Bishop pawl pawlkom ih President cu Bishop in ram hotu pawl parah mipi pawl ih zumnak le hnatuan tlangnak khal din sal dingah an forhfial. An forhfial nak vekin an tuah ding tiin ruahsan nak an nei. A tu Korea mipi pawl ih ton mi buainak thawn pehpar in a tha bik in tuan ter duh a um. Cui buainak pawl lakah covid 19 ruangah a tla sia mi sumdawnnak din sal dingah, tuah dingin, ram kang nak ruangah a siat mi kiangkap kilkhawinak le minung covo siatsuah  a tuar tu pawl tlamtling ten tuah ter duh a si. Pehbet in President Bishop in thurelkhawmnak le rualremnak, rualremnak titikah sak Korea thawn remawk nak cang thei nak, minuung covo kilkhawinak cuvek a thupi mi thu pawl khal an forhfial bet.

              President cu mipi ih hril a si. curuangah a darh rero mi mipi pawl thinlung kom ter duh a si. Mipi cu a thiang mi thinlung, pawlkom duhdawt nak thinlung thawn rian tuan a si. Korea mipi pawl ih that nak hrangah hnatuan aw tiin an forhfial. Thlang Korea ram ah Catholic mipi 5.6 tan an um, Archdiocese 3, Diocese 14 a um. Himi thuthang cu RVA thuthang ihsin kan don mi a si.

https://bit.ly/3O3BX0v