“Mexico siivai thawn damter a si ding” tiin a khuk naa thawn pehpar in Pope in hnihsuah a sai. (May 16, 2022)

“Mexico siivai thawn damter a si ding” tiin a khuk naa thawn pehpar in Pope in hnihsuah a sai.

(May 16, 2022)

              May 11 ah Pope Francis ih khuk nat nak thawn pehpar in thinphangin a sut tu Puithiam pakhat (Legionaries of Christ pawlkom sungtel) hnen Pope in Spain tong thawn “tequila siivai thawn damter asi ding” tiin hnihsuah a sai.

              Cui sii cu Spain ram ih a suak mi sii phunkhat asi. Pope cu ding lo in a to  theu mi par in feh ding ah siibawi in lam a hmuh. Pope cu nat nak karlak ah hnihsuah sai in natnak a nei nan mi pawl beidong lo dingah a hmuh. Cui “Legionaries of Christ” Puithiam pawl cu tlawngkai nithum ni Pope Kohhran mi pawl a ton nak caanserh cemnak lamah an suh nak a si. Ziangruangahtile Pope ih khuk nat cu leitlun thuthang hman ah a tel ruangah a si.

              Pope in mah an suh nak cu “ka khuk dam ter dingah ziang a tul ti mi nan thei maw. Lequila lawng a tul” tiin ol zawng ten a sim. Pope cu nat nak a tuar nan a nat nak a besia tuk tiin a phun zai lo. Pope ih a sim mi siivai cu Mexico ihsin a ra. Harhdamnak hrang a tha ih, a harsa mi nunram pah suak dingah siitha a si.

              Mexico miphun pawl ih hminsin tlak thu pawl a sim. Himi thusim nak pawl cu Pope in hnihsuah sai nak in a sim.

-Na nunnak ah tanphaya na pek asile cite le tequila dil aw.

- Na raibur asile tequila khuat thum in aw. Raibur a zia deuh lo nan cumi thu ruah asi nawn lo.

- Mi tinkim lawngawi dingih tuahnak cawl aw. Nang cu tequila na si lo.

- A tha zet mi tequila cu a thiangfai mi ti a si. A leng ah ziang na hawl. Innsung lut aw.

- Mi tinkim ih nunram ah lungawi ten lut dingah tequila in uh.

- Lungawi nak hrangah a thabik cu ziang asi ti ka thei lo. Lungawi nak sungah tequila a tel timi cu a dik.

- Zo hman in an lo el ter lo. Tequila hrang na tul bik mi cu tanphaya a si.

Pope cu cu tin a sim hnu mithmaipan in a sir a hoi ih a to dingmi ah kai in a feh. Pope harhdamnak ttihphan nak thawn a sut tu Puithiam pawl khalin Pope a um nak Santa Marta ih an feh tikah Pope hrang Mexico siivai ti palang khat an ken ding tiin thu an tiam tiin an sim. Himi thuthang cu Aleteia thuthang ihsin kan don mi a si.

https://bit.ly/39tO86Q