“Zangfah thiam tu, minung nunnak a thei fiangtu nunau si uh” June 1, 2020

“Zangfah thiam tu, minung nunnak a thei fiangtu nunau si uh” tiin thukam pathum a la tu Sister pawl hnen Pope in a forh fial.

June 1, 2020

         Tuikum cu thukam pathum in mai nunnak cu Pathian hnatuan nak hrangih a ap aw tu Sister pawl ih daan bet sal nak kum (50) kim kum khal a si. Himi a kim ni cu Pathian hnatuan in Pope Francis in Sister pawl hrang a tanglam vek in thu a sim. Anmah pawl Pathian kawh nak cu “ruahsan nak ih hminsin nak” a si. Cui kawh nak cu Pa Pathian par in rintlak sinak a si. Tuisan khalah thenkhat nunau pawl cu anmah pawl ih a thianghlim mi an nun ram Pathian hnen ap dingah tha khoh mi nunau pawl an um.

         Sister pawl cu an Bishop pawl ih tha pek nak zin hmuh nak in pumpek nak ih nunram ih a dang lam mi thil an hmu vivo. Pum a petu pawl ih Pathian kawh nak thluasauh cu kawhhran pi le hmun khat te ih nun tlang nak in a lang. Hitivekih hmunkhat ten nunnak cu Sister pawl khat le khat rual rem ten um tlang thei nak a lang ter. Baptism san thok ih mipakhat ciar ih ngah mi profet si nak ih a hram pi cu hlo ter lo ding. Nung ringring dingin tuah uh. Pum pek nak nun ihsin Pathian ih duh nak, zangfah nak in Pathian kawh nak ngah a si. In kawh nak san bik cu Jesuh Khrist ih monu asimi Pawlpi ih mithmai cu mi tampi in thei ding in, hmu dingin tuah dingah a si.

         Sister pawl ih daan cu “khat le khat duhdawt dingah a forhfial”. A hleice in bawm a tul mi pawl duhdawt dingah a si. A thianghlim mi nunnak in pum pek nak cu Pawlpi ih mi harsa pawl duh thiam dingah a bawm. Cui tul mi cu tisa lam ih tul mi maw, thlarau lam ih tul mi a si timi tha zet in a hmu ter. Tha mal mi pawl, taksa lam ih na ol, tuar ol pawl, taksa lam le ruah nak lam a na ol mi pawl, kum upa pawl, hlon a tuar tu pawl, hnon a tuar tu pawl bawm a theih.

         “Zangfah thiam tu, minung nunnak a thei fiang tu, duhdawt nak ih um daan le a nem mi hnem nak ih thleng awk nak cu tha zet ih a thei thiam tu nunau si uh” tiin Pope in a forh fial. A tui ton mi covid-19 pulhnat in “a hman lomi do dingah caan a kimzo” tiin a sim nak a si. Curuangah mah kiangkap ah ziang a cang timi cu thukham pathum a la tu Sister pawl in mi sing san men loin, thei lo vek in um men loin, cui thil cang mi thawn ti thei tawk in phur nak in nat nak mal dingah, tuar nak mal ding ah bawm uh.

         Thukham pathum a la tu Mithianghlim pawl cu a thianhlim mi nu, kan zate ih rual pi khal a simi Pawlpi ihsin Jesuh Khrist ih a kom mi inn sang a si. Mithianghlim pawl ih felfai nak in kiangkap ah a pak ih a um mi pawl thawn kom aw in mah te pak nak pawl do uh. 

         Mai nunram ih hmuh nak ah ding ten feh uh. Asinan thu phan rel nak, hminsiat ter nak ih hnaihnok nak ah tla lo dingah hrial aw. A hrampi a tha mi fim nak hawl aw. Zangfah hnatuan nak tuan thei dingah ruah nak nei aw. Mah le mah ngaisang awk nak ral le hnatuan tam tikah daan nei lo ih eiin, thil tha lo hman nak ral ihsin khal luat dingah ral ring cia uh. Pope cu thukham pathum a la tu Sister pawl hnen khal ah siseh, thukham pathum la in, Sister nun ram in nunnak hmang dingah a timtuah rero mi nunau nauhak pawl hnen khalah siseh thluasuah pe in a thu sim a cawl a si.

         Pum a pe aw mi a thianghlim mi Sister pawl cu kut sih nak tuah lo ding in kumkhua in a taan san tu nunau pawl an si. Hitivekih an taan san nak cu an nunram, an thazang, an nunnak zaten Pathian hrangah an hlan. Anmah pawl cu a thianghlim mi pawl, Pawlpi sungah pumpek nak thawn Pathian hnatuan nak in Jesuh Khrist thawn a pehpar aw mi pawl an si. Mithianghlim Sister pawlkom thawn pehpar mi zungih ca continent panga thukham pathum lain mah ih a thianghlim mi nun in Pathian ih hna a tuan rero mi Sister pawl minung (5000) an um ding tiin zum nak an nei.

https://bit.ly/2XWW4UQ