2010 kum ih mipi thah nak an tuarnak kum kim nak hrang thlacam sak August 25, 2020

2010 kum ih mipi thah nak an tuarnak kum kim nak hrang thlacam sak  

August 25, 2020

            August 24 ni cu tlawngkai nikhat ni a siih, cui ni cu 2010 ih Mexico ram, Tamaulipas ram then San Fernando khuapi ih tlanglam America ih a vai mi minung 72 cu mi tha lo pawl ih that nak kum 10 kim ni a si. Cui minung 72 ih thihnak thu ah ca sung le hminsin nak a um lomi mipa 52 le nunau 14 an um lai. Anmah pawl cu El Huizachal khuaih rittheih thil tham tu Los Zetas pawl ih fihnung zetih thah an tuar. An ruak pawl khal hmun khatah an phum ih, neh hnuah cui thil cang mi cu Mexico ralkap pawl in an lang suak ter thei.

            Pope cu cui thilcang mi-ih nunnak a cem tu pawl ih thlarau pawl hrangah Pope cu zarhpi ni sun ih thlacam mi Angelus thlacam caan ah vun mangin thla a cam sak. Cui a tha lo mi thil cang mi ah nunnak a cem tu pawl cu ram a phunphun ihsin an siih, a him deuh mi nunram ngah dingah an tum tah. An innsang pawl thawn riah siat nak a tuar pi.

            Cui a cang mi thil tha lo cu ziang tin a cang. Zo pawl in an tuah timi cu thu dik le thu hman hrangah thla a cam bet thu, a vai mi mi tampi cu a tha ih a him deuh mi pumcawmnak hawl dingah tumtah in, tlang le horkuam kaan in harsat nak phunkim tuar phah in an nunnak an cem thu, cui a vai tu pawl ih an nun a liam nak cu kanmah pawl anmah hrangah thil pa khatkhat tuah dingin duhsak nak an nei. Anmah pawl cu ziangsiar lo nak a tuar tu pawl an si tiin Pope in a sim. Himi thuthang cu Vatican thuthang ihsin kan ngah mi a si.

https://bit.ly/32m2u1U