2021 kum ih ‘Laudato Si’ kiangkap kilhimnak zarh theh hnu ah Cardinal Tagle in thu a than May 23, 2021

2021 kum ih ‘Laudato Si’ kiangkap kilhimnak zarh theh hnu ah Cardinal Tagle in thu a than

May 23, 2021

          Thiang Thlarau Pathian Puaini ah Cardinal Tagle ih hohanak in 2021 ih ‘Laudato Si’ kiangkap kilhimnak zarh a cem nak caanserh an rak hmang. Cui caanserh cu Assisi khuapi ih um San Damiano Biakinn ah an rak tuah. Hi ti tuah nak ah khal dinhmun ruangah caanserh hrekkhat cu mipi pawl an tel ter ih a dang caanserh pawl cu online in an rak thlah. Zaanlam caanserh cu leitlunhuap thawn pehpar mi leilungpi hring dildel nak khaisannak a tuah rero tu Catholic pawlkom in a rak hruai kai. Cui hnu ah Zarhte ni ih rak tarlang mi ‘sersiam nak’ sunloihnak hla pawl online in an rak thlah.

          Hi caanserh cem nak ah Cardinal Luis Antonio Tagle a rak tel. A mah cu Pope kuthnuai ih um Bible Cathianghlim karhzainak zung ih tuanvo nei tu a si. Cu vek in St. Francis Yatih a tin kaing ih hotu Fr. Michael Perry OFM, Assisi Diocese ih Bishop Domenico Sorrentino milai hramthawhnak thansonak zung ih Secretary, Fr. Augusto Zampini, Christina Leano, leilungpi hrin dildel nak a khaisang rero tu Catholic pawlkom ih director Christina Leano pawl an rak tel ih hi cangvaihnak ih a tel tu pawl in an hmuhton mi line par in an hlawm ding a si.

          Hi thlacam Biakkhawmnak ah ‘leilungpi hrin dildel nak’ thu zirhnak cangvaihnak ih a rak tel tu pawl tuanvo ap nak khal a tel. Hi caanserh cu Mirang tong in an tuah. Italy, France, Portugal, Poland, Vietnam tong pawl khal in an thlah ih tong ih harsatnak a nei tu pawl hrangah tiin mai theih mi tong thawn tong an let sak cih nak ding caanserh khal an telh.

          Hi thuthang cu Vatican thuthang ih kan ngah mi a si.

https://bit.ly/3fKkTvV