2021 kumsunag vatican zazin ah Pathian riantuantu 22 thah tuarnak ah Kawlram tla tel 31 December 2021

2021 kumsunag vatican zazin ah Pathian riantuantu 22 thah tuarnak ah Kawlram tla tel

31 December 2021

          Catholic Pawlpi ih Theology fimnak lam ih Baptism laktu tinkim in rian tuan ding tuanvo an nei. (EG 120) Tui kum ahcun Africa ah Puithiam 3, Brother 1, Sr. 2, le mipi 6 thah an rak tuar. Europe ah thah a tuar tu mipum an siar ah Fr. Olivier Maire, SMM lawng thah a rak tuar. Africa continent ahcun riahtuantu tambik 11 thah an rak tuar. Cu mi sungah kan dung rei lo te ah Nigeria ram, ni tlaknak thlanglam hmun ah Christmas hmuah ni ah Fr. Luke Adeleke khal a tel.

          Africa ih mipum tambiknak hmun khal a si. Tu le tut hah awknak tambiknak hmun ah khal Puithiam 3 thah an rak tuar ih Sr. 2 le mipi 1 thlanglam Sudan ah an nunnak an rak liam ih Uganda le Angola pawl ah tla riantuantu pawl Bawi Jesuih tang nuam ah an rak cawl. Mexico ram America continent ah tla martyr 4 an nunnak a rak cem. Cu mi sungin pakhat cu milai covo upat ih thlun dingah tuahmawh daan thawn kom aw in cangvai rero tu cui hmuh ih Christian Pathian thu simtu saya pakhat khal a nunnak a rak cem. A dang pathum cu Haiti, Peru le Venezuela pawl ih um mi Biakinn ih riantuantu Brother pawl tlawng sungih um mi fifir ih thahnak ruangah an nunnak a rak cem.

          Asia ahcun Philippines Puithiam pakhat cu Mindanao tikulh ih um cazirnak tlawng ih a tlun sal ah a luu ah cerek in a rak ngah. Kawlram ah khal Catholic mipi 2 an nunnak an rak cem. Ramsung buainak ihsin a tlan rero tu mi harsa pawl ei in le milai leh milai lainatnak thawn pehpar  ih bawmnak pawl peknak ruangah an pahnih in sniper ih kah nak an rak tuar. Cazin ah a rak tel lo nan Christian hmuah ni ah mawh  nei lo mi Catholic 35 hnak ih tam ralkap pawl in an rak that. Zumnak ruangah thah tuar in an theih hrih lo mi hmin dang tampi an um lai thu thuthang suahnak Agency in a rak sim.

          Tahthimnak ah 2021, thlanglam Sudan ah remdaihnak thudik hrangah hriamhrei kai ih harsatnak tuar sungih thah a rak tuar mi Pathian thu sim tu saya 16 le Pawlpi hotu saya pawl khal methal thawn thah an rak tuar tiah cui hmun ih Bishop in a rak sim. An suah mi ca sungah a tlaitluang mi nunram thawn um in mifarah kiankap ram pawl ti thei tawk in bawm in Mexico ram ah a vai tu Italy mino pakhat thah a tuar nak khal an tarlang.Tui kum thok lam, Slovakia ah Pope Francis in zumnak hrangah thah rak tuar tu hi riantuantu 22 pawl in Bawi Jesuih duhdawtnak teette an rak khaan thu a rak sim ih Missa sumnak a rak tuah sak.

          Hi thuthang cu Vatican thuthang ih kan ngah  mi a si.

https://bit.ly/32OLOUD