2021 leitlun huap mino pawl ni hrang tuah dingah hla thawn zuam awk nak September 17, 2021

2021 leitlun huap mino pawl ni hrang tuah dingah hla thawn zuam awk nak

September 17, 2021

            Leitlun huap ram a phunphunih Catholic mino pawl cu 2021 leitlun mino pawl ni cu mai ram sungah ti thei tawkin tuah dingah Pope Francis ih sawmnak cu an sawn. Leitlun mino pawl ni ih hla cu 'Jesus said to me: 'Levanta-te! Levantate! Get up!' (Tho aw) tiin hmin pek asi ruangah leitlun mino pawl ni tuahnakih tuanvo neitu Hugo Flores Arcega in a rak sim. Phuah mi hla cu Pope in forhfial nak thawn a pehpar aw ter. Cutivekin pulhnat ton caan ah mino pawl tih-ih relhnak tuah loin ral tha zetin feh in mai tuah thei mi pawl kilhim nak thaten la in tuah dingah, kan zaten a tumzet mi sawm nak ton a si thu, asinan tih a tul lo. Pathian cu kan kiangkap ah a um. Bawi Jesuh khal hitawk hmun ah a um ih "Tho aw" tiin in sim tiin tha zang a rak pek.

            Himi hla cu a ralai ding mi November thal "Christ The King" puai ni ah thlah ding a si. Hitivekin leitlun ram a phunphun ih Pawlpi zate in 2023 Lisbon ih tuah ding mi leitlun mino pawl ni hrang timtuah thei dingah tumtah a si. Hla cu English, Spain, Portugal tong pawl thawn sak a siih, awmmawi lam tidaan phunphun bet in ngan a si. Awnmawi cu mino pawl hrangah a thupi zet. Cutivekin Kohhran sung khalah a thupi. Curuangah san thawn khal milh aw ding in ruah a si. Online ah mino pawl hrang ih a lar mi thuhla pawl khal zingzoi a si. Mino a tam sawn cu hla le lam an duh zet. Curuangah "2021 leitlun mino pawl ni ih sawm nak" tiin thu tlang bun in zuam awk nak tuah a si. 2021 kum ih leitlun mino pawl ni cu mino pawl hrang a nuam mi canserh pi asi ding. Cutivekinn leitlun mino pawl ih hla ih tel mi thu a si mi "Pathian cu anmah thawn nuam caan ah siseh, nat caan ah siseh a um ding" timi cu a tu ah mah rori in an thei ding tiin a zum thu a sim. Himi thuthang cu Rome Reports thuthang ihsin kan don mi a si.

https://bit.ly/3lQDzgL