2022 ah Poland Catholic Pawlpi dinhmun in mino pawl thawn naihniam dingin zuam ding tiah sim (January 03, 2022)

2022 ah Poland Catholic Pawlpi dinhmun in mino pawl thawn naihniam dingin zuam ding tiah sim

January 03, 2022

          Poland Catholic Pawlpi dinhmun in tui kum 2022 ah mino pawl thawna naihniam aw thei dingah kan zuam ding tiah Poland Catholic Bishop pawl pawlkom ih secretary, Bishop Artur Mizinski in a rak sim.

          Hi vek ih tuah a tul thu, cu lawng ah Pawlpi le tefasin pawl lak ih pehtlaihawknak a thlengawk ding thu, hi mi cu leitlunhuap pi ih um Catholic Pawlpi hrangah khal thupi zet ih tuah ding mi hniksaknak pakhat a si thu, thuthangtha le mino pawl thei aw ter ding mi tidaan thar pawl thupi zet ih tuah a tul thu, Parish pawl ah tidaan a phunphun thawn kaupi’n cangvai rero tu Catholic Pawlkom pawl zaten hi saduhthahnak ah tumtah ih an tuah ding thu, mipi thawn pehtlaihawk daam thar pawl hmang in mino pawl ih nunram thilcang mi pawl thawn nai dingah zuam zet ih ann tuah ding thu a rak sim.

          Bishop Mizinski cu Poland ram ih nisuahnak lam ih um mi Lublin Archdiocese ih Auxiliary Bishop a si. A mah in Europe a lai hrawng ram ih um Pawlpi hotu pawl ih leitlun ih a ra mi um tudaan thawn pehpar in a rak sim. 2021, March thla ih suah mi Poland ram ih Biaknak lam dinhmun tarlangnak ca ah mino pawl le Biaknak lam thlun ding mi pawl a kom awk lo nak kum 30 a luan zo thu, a liam zo mi October thla ah Poland Pawlpi in thinnat thlak zet mi thuthan pakhat mipi theih in a rak suah.

          Cui thuthan cu a hlan kum dang pawl thawn zoh thim a si le 2021 ah zateek 20 tiang a tum thu, Poland ram ih mipum taan 38 sungin zateek 91.9 cu an mah le an mah Catholic Pawlpi ah nemhnget ih an um lai thu, zateek 36.9 cu Missa sumnak ih an tel theu thu ca sungah a rak tarlang.

          Mino pawl lamzin hman ih hruai dingah le thlarau lam lamhmuh mi pawl sim dingah cun kumthar ah Pawlpi in a tuah ding mi 3 sungah a tel thu, a pahnihnak cu bawmnak a tul mi pawl tha ten bawmnak, pathumnak cu Pope Francis ih sawm mi Pawlpi dinhmun in leitlunhuap Pawlpi ih conference tuahnak ah tha zet ih tel dingah a si thu, Poland ram Catholic Pawlpi ih aw, thilcang hman cu Pope le leitlunhuap Bishop pawl ih conference ah a tha bik ih sim dingah an tuah ding.

       Hi conference ih sawmnak let phah in sannak dik le tidaan khal hawl a tul thu, curuangah Diocese cio ah Biaknak lam pawlkom ah thatho zet in a tel tu ai-awh tu pawl, Khristian pawl khal thatho zet ih an tel thu, 2021 vun zoh sal a si le Cardinal Stefan Wyszynski le Elzbieta Roza Czacka pawl cu September 12 ah siseh, November 20 ah Fr. Jan Macha khal Mithianghlim ih khaisan a rak si thu, hi Mithianghlim thar rak pe tu Pope par ih an lungawi thu, hi Mithianghlim khaisannak biakthawinak cu Warsaw le Katowice ih an rak tuah thei nak cu mino pawl in an mai nunram ruat aw sal dingah, teette khaan dingah a tha bik mi caantha a rak si tiah a sim.

      2021 ah Poland Catholic Bishop pawl in Pope hnen feh in upatnak an va pek ih ram sungih Pawlpi dinhmun pawl sim thei nak an rak ngah. Covid-19 in leitlunhuap a rak do vek in Poland ram khal a do thu, covid 19 pulhnat suan a tuar tu taan 4 luan a rak um thu, mi 97000 an nunnak a rak cem thu, kumthar ah khal hi pulhnat sia in a hringhro lai ding. Curuangah Missa sumnak ih telnak ah nathrik karh lo dingah humhim awk a tul.

Poland Catholic Pawlpi dinhmun in covid-19 ruangah harsatnak a tong tu pawl an bawm bet lai ding. A liam zo mi December thla ah khal Archbishop Stanislaw Gadecki in mi harsa pawl bawm dingah Europe Catholic mipi pawl dinhmun in hlu ve dingah Pope Francis ih forhfialnak khal thuthan suah in a rak lehrul sal. Miharsa pawl bawm dingah Poland ram dinhmun in a man cia thu, ram ih a beu tu pawl khal upadi thawn mil awa ih cohlang dingah a man cia thu Bishop in a rak sim.

Hi thuthang cu CNA ih kan ngah mi a si.

https://bit.ly/3eQ4EO7