2022 kum sung Pope Francis a Tuukhaal khualtlawnnak ding ram pawl January 05, 2022

2022_kum_sung_pope_francis_ih_a_tuukhal_kual_tlawnnak_ding_ram_pawl.

2022 kum sung Pope Francis a Tuukhaal khualtlawnnak ding ram pawl

January 05, 2022

          Leilungpi ih hmun tampi ah covid pulhnat sia thawn tongaw phah in 2022, kumthar kan thok thlang. Pope Francis in 2022 hrangah a Tuukhaal khualtlawnnak thawn pehpar in nemhnget ih suah mi ti vek a um hrih lo nan tui kumthar ah a feh duhnak ram tampi thuhla a sim. Pope Franci cu kum 85 a kim thlang. Curuangah covid-19 hlan vek in thatho ten caanserh tampi thawn a cangvai thei nawn lo ding. Pope in caan malte sung Pope rian a tuannak kum 9 sungah ram 50 luan ah a Tuukhaal khual a tlawng zo. 2019 ah ram 11 tiang a rak tlawng.

          Covid-19 a rak um pek ihsin kumkhat cekci ramsung, ramleng khualtlawnnak pawl a rak cawl. Khual a tlawn thei sal cun Pope Francis in ramleng Tuukhaal khualtlawnnak ah 2011, March thla ah Iraq ram ah hmaisabiknak in tuanthu sungtel ding mi a Tuukhaal khualtlawnnak a rak thok. Cui kum ih a veihnihnak khualtlawnnak ah Greece, Cyprus, Slovakia le Budapest khuapi pawl ah ‘International Eucharistic congress’ leitlunhuap Bawipai Thisa thawn pehpar mi congress cemnak Missa sumnak hoha phah ih a rak tlawnnak a si.

          A ngaingai ahcun 2020 ah Pope Francis ih ram tinkim a tlawnnak ding Tuukhaal khualtlawnnak pawl rak bal sal mi pawl tla a um. Curuangah tui kum ah a tuah sal men thei. A thuailam ih tarlang mi pawl cu Pope Francis in a mai Pope tuan sungih a feh duh thu a rel dah mi khua le ram pawl an si.

  1. Canada
  2. Papua New Guinea le nisuahnak lam Timor
  3. Ukraine
  4. Lebanon
  5. Hungary
  6. Kazakhstan
  7. Spain
  8. Malta
  9. Montenegro
  10. Congo ram
  11. Florence khuapi pawl an si.

Hi thuthang cu CNA thuthang ih kan don mi a si.

https://bit.ly/3Gsjeax

Add new comment

6 + 9 =