2023 ah Cardinal 11 cu kum 80 an kim zo ruangah Pope hrilnakah Me pek theinak an nei nawn lo.

2023 ah Cardinal 11 cu kum 80 an kim zo ruangah Pope hrilnakah Me pek theinak an nei nawn lo.

        1983 kum ih tuah mi Canon daan (Nu Pawlpi daan) (401) vekin Catholic Pawlpi ah Bishop zaten kum 75 an kim le mai tuanvo ihsin cawl dingah dilnak ca Vatican ah a pek ding. Cuvek thotho in Cadinal pakhat cu kum 80 a kim a sile Pope sinak a lawng tikah Pope hril theinak a nei nawn lo.  Hi mi cu canon daan hrampi ah a tel lo nan Pope Paul 6 nak in a tul dan in daan pakhat a rak than. Cui daan ruangah tui kum 2023 ah Pope dinhmun a lawng pang a si le Me pek theinak a nei nawn lo mi Cardinal 11 an um. Cu mi sungihsin Italy cardinal  5 an tel ih cu mi pawl cu Pope zungih a thupi mi hna a tuan tu pawl an si.

          Tahthimnak ah Cardinal Domenico Calcagno khal a tel ve. A dang pakhat cu Cardinal Angelo Comastri a si ih St. Peter Basilica Biakinn ih tuanvo neitu khal a si. Cardinal cu May 2022 Bawinu Maria upat peknak ih zawnnak ah neta bik  mipi hmuh dingah an hmu. Cui caanserh ah Cardinal in 1981 St John Paul 2 nak ( Culai ah Pope John Paul 2 nak cu Pope a tuannak kum 4 lawng a si lai.)

        St. Peter tualrawn ih tuahmawh a tuarnakih thil cang mi a vunmang ter sal. St. John Paul II cu meithal thawn kah a rak tuar ih hriamhma a rak ngah ko nan thazaangla in a mah a tuahmawh tu hnen a ngaidam thu a sim. Cuihnu ni mal te a rei ah St. John paul II in mithat tu in a kut in ka nunnak a lak duh ko nan humhim duh tu Nu ih kut in I humhim tiah a rak sim.

       Italy Cardinal a silo mi kum 80 a kimtu pawl cu Argentina Cardinal Leonardo Sandri, Peru Cardinal Juan Luis Cipriani, Korea Cardinal Andrew Yeom Soo Jung, Bangladesh Cardinal Patrick D’ Rozario le Cardinal Malian jean Zerbo pawl an si. Thil thu lamdang a um lo a sile  2023 kum cem tiang Me pek theinak a nei mi a ol zawngih kan ti a sile kum 80 a kim hrih lo mi Cardinal 115 an um. Cumi sungah Europe Cardinal 44, Latin America 20 le Asian in 19 an um. Europe cu Pope hrilnakah me pek theinak a nei mi a tam biknak Continent a si.

https://bit.ly/3VLf8B3