2024 kum sung, France ram ih Catholic Pawlpi ah Puithiam thar 105 cang ding.

2024 kum sung, France ram ih, Catholic Pawlpi ah Puithiam thar 105 cang ding.
France ram Bishop pawlkom (Frence Bishops' conference) (CEF) in 2024 ah Puithiam sinak cu minung 105 in an cohlang ding thu, European ramah Puithiam thar 88 in Puithiam sinak an cohlang zo ih 2023 hnak in Puithiam thar minung 17 in an tam dingah tiah an tarlang.
CEF website ih an tarlang mi thuthangah Puithiam Ordination hi a tamsawn in June thlasung a thupi bikin Sts Peter and Paul Puaini thlen hlan zarhpi ni ah tuah a si theu ih cu mi Puai cu Pawlpi in June 29 niah a tuah theu.
Puithiam thar 105 ah 73 cu diocesan (diocese thawn pehpar mi) in a si ih 16 cu religious order in, 10 cu community sungtel pawl, 2 cu societies of apostolic life, a dang 4 cu hlanlai Ecclesia Dei commission in an si ding tiah an sim.
France archbishop in a tui kan tikcu caan ih thlarau lam ruahsannak pawl lehrul tu ding Puithiam thar pawl hrangah kan pekawk ngamnak in thathnemnak a pe ih leilungpi a tleu ter tiah a rak sim.
CEF thuthang ah an mai 2024 Cate'chumenat cazin an laknak ah kum tinten Baptism, Eucharist ( Bawipa thi le sa sannak) le Confirmation ( Chrisma tha peknak) a sang duhtu tu mino pawl le mino tuk nawn lo pawl an tam thu CEF in hminsinnak a rak nei.
Hi mi thuthang cu catholic news agency in a tawi zawngin kan lak mi a si. Thuthang a rak siartu zate parah lungawinak tampi kan nei. Kan page in kan tar mi ca pawl, video pawl le mithianghlim thuanthu pawl le Pathian thuthang, theih kohnak phun kim khal rak siar dingah zaangfah kan lo dil.