2025 Jubilee kum hrangah Vatican in “logo tacik” zuam awk nak sawm (February 22, 2022)

2025 Jubilee kum hrangah Vatican in “logo tacik” zuam awk nak sawm

(February 22, 2022)

              Rome cu aralai dingmi 2025 ah Kohhran din a sinak cu 2025 kum ah “Jubilee” kum an tuah ding. Jubilee kum ih motto cu “Pilgrims of Hope” (Ruahsan nak thawn khualtlawng) a si. Cui puaipi tuah dingah timtuah nak cu a thok in cui kum san famkim a pe thei tu “tacik” thupi zet in a tul. Cui tacik tuah in zuam thei dingah an sawm. Zuamawk nak cu February 22, tlawnkai nithum ah thokin, May,20 2022 ah netabik ret in kuat ding.

              Tacik puai cu an sim mi hminsin nak le thlarau lam san a lang ter ding.

              Zuamawk nak ih lam hmuh mi ah puaipi hrangah tacik ah “puaipi a sawhkhih tu hminsin nak le thlarau lam thu” a lang ter ding. Himi tacik tuah in zuamawk nak program tuah asinak ih ahmaisabik ke kar nak tiin an thok. Tacik tuah nak ah a bawm tu ding thuhla pawl cu himi puai sang suak nak ding ih tuanvo nei tu hnen February 11 ah thu suah mi Pope ih thuthangtha sungah a tel. A hrampi cu “Ruahsan nak thawn khualtlawng” nunram cu ahleice in langter ding a si. Puai ih tacik hmuh veten puai tuah nak ih thuhla, thinlung um mi langter nak, lei khuavel a darh mi Pawlpi langter asivekin a tui caan ah kan hal zet mi thu dik khal pek timi san a sawhkhih ding. Himi tacik cu 2025 Jubilee puai tuah nak ih a thok, rem nak hnatuan thok nak, tuah tuan nak pawl thok asi timi langter nak a si.

Zuamtu pawl ih thlun dingmi nemhnget mi thu pawl

              A zuam tu pawl dinhmun in puai tuahnak council ih thu suah mi thlun ding. Cutilawngah ruahsak an si ding. A hram lam hmuh mi cu Jubilee cangsuak nak council ih website ah an tarlang ding. Jubilee 2000 ih tacik zuamawk nak ah a pakhat nak laksawng la tu cu kum 22 lawng asimi lem can lam tlawng a kai tu nunau nu a si thu thuthan nak ah an tarlang. Thuanthu pakhat a ngan thei.

Jubilee kum

              Jubilee kum cu thianghlim kum asilole Jubilee (hlim nak, lungawi thu sim nak) kum a si. Jubilee kum cu daan kel vekin Catholic Pawlpi ah ropi zet in thlacam in tuah theu a si. Sual ngaithiam nak kum, sual nak hrang sual cawhkuan nak kum, a rem aw lo mi pawlkom pahnih karlak ah remdiah nak kum, thleng awk kum, hmun khat ten tuar kum a si. Khat lam zawng in sim ding a sile Jubilee kum cu Bawi Jesuh minung pawl hrang nunnak le thluasuah a pek kum a si. Thianghlim kum tiin ti asinak cu a thianghlim mi thu thawn thokin cui thu thawn a cem ruangah asilo. Himi thu tuah a si nak ih tumtah nak khal a thianghlim mi nunram ngah ding ah forhfial in tha pek nak khal a si.

              Jubilee puaipi cu kum 25 a luan asile “menmen” ah a cang. Asinan thenkhat a danglam mi dinhmun pawl ah Jubilee puai tiin than in tuah a theih. Kohhran sungah netabik Jubilee puai tuah kum cu 2000 kum ah a si. Cui Jubilee puaipi cu Kohhran pi kha kum zabi 3 vekin a rami Jubilee kum khal a si. Cui Jubilee tuahtheh ah 2025 ah Pope Francis in “a danglam mi zangfah nak kum” tiin a than. A tu a ra lai ding mi 2025 Jubilee kum ahcun 2000 ihsin kum 25 dang in tuah mi puai a si. Himi thuthang cu Vatican thuthang ihsin kan don mi a si.

https://bit.ly/3pbt1eu