ACN in bom a tul mi pawl bom in kilkhawi sak (December 29, 2021)

ACN in bom a tul mi pawl bom in kilkhawi sak

(December 29, 2021)

            Bom a tul tu pawl a bom tu pawlkom Aid to the Church in Need (ACN) cu inn le lo nei lo pawl bom dingah zuam ih tha suah nak thang in an tuah. Cui pawlkom cu tuahmawh nak, hmuhsuamnak le kiangkap nikhua ih siatsuahnak ruangah, harsa zetin inn le Lo nei lo ih a um tu tampi pawl cu Christmas ni tiang bom dingah fund hawl nak cangvaih nak an rak thok.

          Syria ih a tlan tu mi tampi sungah innsang pakhat cu Lebanon ah um dingah an zuam rero. Cui innsang ih nauhak te cu naute Jesuh a nauhak lai vekin a nu le pa thawn tlan nak harsat tuar pakhat vek a si tiin a pa in a sim. ACN cu cu tawk ih biakinn ihsin bom a tul mi innsang pawl hnen ei ding le um nak pawl tel in a tlang pi ih tul mi thilri pawl an bawm.

          Mozambique khuapi ah Islam ruahnak luar pawl ruangah mi 3300 luan tthah an tuar ih hleiah mitin 1 hrawng inn le lo nei lo in an um. 2020 October thla ah tuah mawh tu pawl ih thah nak ruangah a fapa a nunnak a cem tu mi pakhat cu a dang khuapi ah a tlan ih reilotesung umnak buk ah thla ti lai in a um. Amah cu paisa saw nak hnatuan thawn amah ten ding thei dingah Puithiam pakhat in tel dingah caantha a pe ih a bawm tiin an sim. A hnen ah Puithiam in na pom pei maw tiih a suh tikah pom ding tiin a sim ih sunvu thil zuar nak a tuah thu,

          Burkina Faso, Nigeria le Congo Democrat ram tel in Africa ih ram tampi ah ramsung umnak tlansan tu mipum theihthiam ding rori in an tam thu hmuh a si thu, curuangah bom a tul tu pawl a bom tu pawlkom (Aid to the Churh in Need) cu inn le lo nei lo pawl hrangah an nunram dinsal nak ah bom dingah zuam nak pawl an tuah rero. Himi thuthang cu Rome Reports thuthang ihsin kan don mi a si.

https://bit.ly/3mSut4e