Adventu caansung Pope ih ruah nak pek mi December 4, 2020

Adventu caansung Pope ih ruah nak pek mi

December 4, 2020

            Bawi Jesuh a rat nak Christmas puai hrangah timtuah dingah caan asimi Adventu caan cu mannei deuhdeuh in timtuah thei dingah Pope in ruah nak pek nak thu a sim. Ahmaisabik sinakin Christmas hrang timtuah nak ah zumnak thawn tuah ter a duh. Aw Bawipa ka lo zum. Tha a mal mi ka zum nak kha tha run pe hram aw. Ka zum nak cu lei khawvel daan le zum sual nak in run kilhim hram aw timi December10,2018 forhfial nak thawn ruah nak a pe.

            "Leilungpi ih a cang rero mi pulh nat cu Adventu caan timtuah nak hrangah thuhla bunmi asi lo thu" ralrin nak thawn Adventu caan cu tha tho zet in timtuah in um dingah a forhfial vekin a harsa mi pulh nat ih namnuai nak tangah a hnget ih a thuk nak, upat nak, ralrin hleice nak le tlaitluang nak thawn thlacam nak cutivek thil pawl thawn thuthang tha cu keng dingah Pope in kan dung November 30 ni ah a cah.

            Christmas hrang timtuah nakah mai nuntuzia thleng nak khal a tul thu a thupi ah ret in a sim. Christmas puai tuah dingah a hlan kum dinhmun pawl cu a hlan kum pawl thawn a dang aw tuk nan zum nak, tha khoh nak, nuntuzia thleng nak le hnatuan tha pawl tuan nak in Christmas puai cu ruah san nak lungawi nak pawl thawn timtuah in tuah a theih thu a cah. Himi thuthang cu Rome Reports thuthang ihsin kan ngah mi a si.

Photo credit to Vatican New

https://bit.ly/33TDQal