Afghanistan ih Khristian pawl tlan in an relh rero zo August 23, 2021

Afghanistan ih Khristian pawl tlan in an relh rero zo

August 23, 2021

            Afghanistan ih khuapi Kabul ihsin Rome ih a tlan tu Khristian mi pakhat hnen Italy nunphung bomnak pawlkom in bomnak pawl an pe. Afghanistan ram cu kan dung August 21 ah Taliban mi do tu pawl ih kut tangah rang zet in an tla. Asinan ramkhel lam dinhmun ruangah ramsung ih mi malsawn ti hman in a tlak lomi Khristian pawl hrang ahcun a him lo nasa. Taliban misual pawl cu nitlak nak lam ram do kalh nak le Muslim ram dinnak a tuah rero tu an si. Curuangah ramsung nunau pawl sumdawn nak lam than mi pawl an siat suah. Sumdawnnak hnatuan pawl an siatsuah asile an zumnak asilomi biaknak lam ruahnak le zumtu pawl an luat lo ding. Cumi dinhmun ruangah nauhak 8 a tel mi Afghanistan ih innsang pakhat cu an khuapi Kabul ihsin Italy ram, Rome khuapi ah vanthat nak ah buaibai nak um lo ten a thup in an thleng thei.

            Afghanistan ihsin 1990 kum ih a luat tu cangan tu khal asimi Ali Ehsani in anmah pawl ziangtin an suak timi a sim nak ah anmah pawl cu hmun pakhat ihsin pakhat ah a thup ten an thawn thu, ram ihsin an suak nan zo hman bawm tu an neih lo thu, nunphung bomnak pawlkom in an bom thei ding ti an ruahsan ruangah bomnak an dil thu a sim. Amah cu a nulepa le a ulenau pawl thah an tuar nak amah rori ih a hmuh hnu Afghanistan ram ihsin a tlan tu Khristian pakhat a si. Kabul ihsin a tlan tu innsang thu cu an mai thuhla asinan himi thu theih tikah amai ton mi a von mangsal thu a sim. A tui a tlan tu innsang le Ehsani cu thla tampi a rei hnu ah pehtlaih awk nak an neih thu, an innsang pawl an pa an hmuh lo nak ni 2 a si zo. Anmah kha hmuh an phang.

Pawlkom in minung zangfahnak bomnak an pek

            Ehsani cu minung zangfahnak pawlkom ih bomnak thawn Kabul ihsin a suak thei tu innsang thawn an bia aw thei. Zo an si timi cu an himnak hrangah sim a silo. Cardinal Robert Sarah ih on nak lethmat thawn a tong ih an tul mi bomnak pawl a pe. Bomnak pawlkom in Italy ih a thleng tu harsat tuar pawl bawm dingah an lung kim. A tum bik mi buai nak cu Kabul ihsin Italy ih a feh duh tu innsang pawl hruai nak ding a si. Bomnak ngah dingah ruahsan nak a um lo caan ah Italy ralkap in fehnak ding pawl tuanvo an la. Ehsani ih pehtlaih sak nakin Italy ram mi pawl bom dingah a thleng mi vanzam thawn cumi innsang an tel thei. Italy mipi le ralkap thuneih tu pawl hnen an lung a awi thu, ziangruangahtile hivek buaibai nak cu mi ziangzat an tuar ding timi an ruah thu, a tam zet mi tipi thuanthum cu ti for tampi kom mi in a cang mi a si thu, bomnak pawlkom ih President asimi Daniele Nembrini in a sim.

Biaknak lam zalen zet in zumnak thawn pehpar in hmailam caan

            Kan dung zarh ah Germany hram bun in leipar ih Diocese a phunphun ih tul mi pawl cu sumpai bom nak a pe tu Catholic fund paisa bomnak pawlkom ih President Thomas Heine-Geldern in hivekin Islam biaknak daan asimi Sharia daan an hmang sal ding tin a ruah thu a sim bet. A zumnak vekin a si. Ziangruangahtile Taliban pawl ih a luar tuk mi Islam biaknak lam daan cu biaknak lam ah ruahnak mal mi Sunni Muslim pawl hrangah thinnuam lo za a si. Curuangah Shia Muslim (Muslim a dang pawlkom), Khristian pawl le a dang mi malte biaknak lam pawlkom pawl hrangah a nasa zet mi biak nak lam buai nak, hmuhsuamnak pawl tong ding ti a fiang. Himi dinhmun cu minung ih a hrampi covo pakhat asimi biaknak lam zalen zet ih biak theinak covo hrangah dungsip nak tiin an sim. A tui caan ah Italy ram ih bomnak pawlkom cu Khristian innsang pakhat ih a hnget lomi hmailam caan an bawm thei nan, himi thinnat za dinhmun a tong tu innsang tampi Kabul ih an um lai thu Ehsani in a sim. Himi thuthang cu Aleteia thuthang ihsin kan don mi a si.

https://bit.ly/2Y2F4Ac