Ahlan Anglican Bishop Catholic Puithiam tiin ordination ngah November 3, 2021

Ahlan Anglican Bishop Catholic Puithiam tiin ordination ngah

November 3, 2021

            Anglican Kohhran Rochester Bishop asimi Michael Nazir-Ali cu October 30 ah Catholic Puithiam tiin ordination a ngah. Amah cu ahlan Anglican Kohhran ah Canterbury ih Archbishop dinhmun a ngah tu khal a si thu, Westminister ih Cardinal Vincent Nichols in a mah cu London ih Our Lady of the Assumtion Biakinn ah ordination a pek.

            A thok lam thla khat lam ah Bishop Nazir-Ali kum 72 cu Personal ordination of Our Lady of Walsingham ah a lut ih Catholic zum tu khal a si. Thuthangtha a simnakah ordination a pe tu Cardinal in himi ordination caanserh cu lungawiza asi thu le Fr.Ali ih ruahnak, a hmuh nak le thlarau lam thangphok nak pawl cu Catholic Kohhran pi ih Pathian riantuannak hrangah tampi a bom ding thu simphah in Personal Ordinariates of Our Lady of Walsingham thawn hlunghlai zetin kan lo hmuak tiin Cardinal in a sim.

            Personal Ordinariate of Our Lady of Walsingham cu a cawl zo tu Pope Benedict XVI in 2011 kumah a rak din zo ih Anglican ihsin pakhat ciar siloin Catholic biaknak ah pawlkom pi rorin a thawn tu pawl hrangah tumtah in din mi asiih, Anglican ih hlan ih a cin le daan pawl khal kilhim sak dingah khal a si tiin a sim.

            "Himi ordinariate cu Catholic Kohhran pi thawn a pehpar awk thei vekin Anglican vekih zirnak, thlacamnak pawl khal tuah bet thei dingah a on" tiin Fr. Nazir in BBC thuthang ih a sim thu, Fr. Nazir cu Pathian riantuan pawl a suah tu Oxford cazir nak tlawng ih President khal a si. Himi thuthang cu Aleteia thuthang ihsin kan don mi a si.

https://bit.ly/3EMfLCn