America ih Catholic Bishop pawl in harsat tuar pawl ramih luh theinak President ih thu bot catnak cohlang October 12, 2021

America ih Catholic Bishop pawl in harsat tuar pawl ramih luh theinak President ih thu bot catnak cohlang

October 12, 2021

            Harsat tuar pawl thawn pehpar mi President Joe Biden ih thu botcat nak cu America Catholic Bishop pawl in an rak cohlang. Aralai ding mi sumpai lam kum 2022 ah harsat tuar tu 125000 tiang cohlang dingah thu bot catnak cu kan dung kar ah an tuah. A tui thu botcat nak cu 1993 kum ihsin thokin tuini tiang America ramih harsat tuar pawl cohlangnak a sang bik cazin a si. Himi tuahtuannak cu President Joe Biden mee an pek lai ihsin a rak pek mi thukam nak silhkhah saknak asivekin a hlan President Trump ih harsat tuar pawl thawn pehpar mi a ruahnak a ling leh ter nak khal a si.

            September 30 ni ih theh asi zo mi 2021 ih sumpi lam kum ah harsat tuar 11411 lawng cohlangin umnak rak pek a si. Himi mipum cu cohlang mi a malbik kum a si. Harsat tuar pawl cohlangnak ruahnak cu 1980 kum ah an rak thok. America ram ih Catholic Bishop pawl khalin harsat tuar pawl bomnak le um nak peknak cawl loin an tel pi ve. Harsat tuar pawl umnak peknak thawn pehpar mi thu ah tuanvo nei tu pawl in pehbet in tuan thei dingah ruahsan a si thu, cutivekin ram upa pawl khal harsat tuar pawl cohlang nak program pawl tuah lawng siloin an tul mi pawl khal tuah sak dingah le aralai dingmi kum 4 luan ih dinhmun tiang ruat dingah a forhfial thu America ih Catholic Bishop pawl pawlkom ih upa Mario E. Dorsonville in a rak sim.

            Harsat tuar pawl cu an umnak hmun an tan sannak cu ralbuainak, lei min nak, linghnin nak, meikang (harsat nak), hmuhsuam tuarnak pawl, mai umnakah zo hman umnak a cang thei lo mi dinhmun asiih, harsat tuar pawl bomnak cu anmah pawl khal tuahtuannak bomnak pawl harsat tuar pawl khal in anmah umnak ram pawl a dang zawngin an bom sal thei ding thu, himi hnatuan a tuan peh rero tu Catholic biaknak lam pawlkompawl, a dang ten a tuan tu pawl hnen leiram thar cu mai Kohhran sungah riantuan sal theih a si thu America Catholic Bishop pawl ih upa in a sim.

            President ih zamrang zetih a tuah mi thu botcat nak cu bom a tul tuk tu Afghans pawl hrang a bawm thei ding. Asinan Mexico le America ram ri ih umnak hmun a khuar tu Haiti ram mipi pawl cu harsat tuar pawl tiin an ruah thei lo thu an sim. Himi thuthang cu Vatican thuthang ihsin kan don mi as i.

https://bit.ly/3iZPU1E