America President tuan tu ding Joe Biden ruangah Catholic kawhhran mipi pawl lawng siloin Bishop pawl tiang ruah daan bang aw lo December 4, 2020

America President tuan tu ding Joe Biden ruangah Catholic kawhhran mipi pawl lawng siloin Bishop pawl tiang ruah daan bang aw lo

December 4, 2020

            America ram thuanthu ah a pahnih nak Catholic kawhhran president a si ding mi Joe Biden hril awk nak ih a neh laiah kawhhran hrangah sunloih za asinan buai nak pakhat a tel. Cui buai nak cu President hnen "Bawi Jesuh thi le sa pek le peklo ding" ti a si. President tuan tu ding Joe Biden cu nau thlak nak kha tha a pe tu asi ruangah kawhhran ih zirh mi mi tampi theih ih a do dal tu asiih Bawi Jesuh thi le sa pek nak cu Kawhhran ih zirh nak a thlun tu kawhhran mipi hrang theih thiam lo ding tiang a si. Buai nak thu khal a si. Cutiih nau thlak nak kha president tuan tu ding Joe Biden ih a pom nak thu thawn pehpar in a pom tu Catholic kawhhran mipi tampi khal an um ve. Kar tin zarhpi ni tinten biakinn a feh tu president a tuan tu ding Joe Biden cu hmun le ram ih zir in Bawi Jesuh thi le sa sang thei nak hnon a tuar tu khal a si.

            Buai nakih thu hram kha tha ten a zoh duh tu pawl hrangah "Bawi Jesuh thi le sa sang thei lonak" thawn buai nak rem hnakin a theih thiam tiang tong tahrat in thu rel kham ding ah ruah nak an pek ciar. President a tuan tu ding Joe Biden hnen Pope Francis amah rori phone biakin lung awi thu a sim nak khal tahthim nak an pe.

            Cardinal pakhat asimi New York ih Cardinal Dolan le tubaite ih Cardinal asimi Washington ih Cardinal Wilton Gregory pawlkom in Bawi Jesuh thi le sa pek nak an hnon lo ding tiin an sim. Ahman ahcun president tuan tu ding Joe Biden cu kiangkap thu, a vai tu pawl thu, mi phun thleidan awk nak dodal nak ah tha zet in a tuan tu a si. Cutivek thotho in "nauthlak nak cu mi that tu sangin thah nak a si" tin Pope Francis in felfai ten a sim. Cumi thawn pehpar in Catholic kawhhran in malte hman derdai ter loin nauthlak nak tha a pe tu pawl Bawi Jesuh thi le sa pe lo dingah a sim zo a si. Cui thu cu felfai ter dingah America Catholic Bishop pawl pawlkom in Bishop pawl tel mi a dang pawlkom an din. A tuah cun cui pawlkom in ziangtin an tuah ding timi cu mi tam pi in hngak hlap zet in an thlir rero. Himi thuthang cu CNA thuthang ihsin kan ngah mi asi.

https://bit.ly/2JXZDXy