America ram ih Sercretary cu Vatican ah a tlawng ding June 18, 2021

America ram ih Sercretary cu Vatican ah a tlawng ding

June 18, 2021

America ram ih kiangkap kilhimnak secretary John Kerry in Pope a rak ton hnu ah America ram ih Secretary Antony Blinken khal Vatican ah a va tlawng ding a si.Tui minister cu American President Joe Biden, president a tuan ihsin thok in a mai minister pahnih cu Vaticanah an thlen nak a si.

         American Secretary cu Europe ah June 22-29 tiang a um ding a si. American acozah ih thuthan suah mi ah American Secretary cu Vatican ih tuanvo nei tu pawl thawn an tongaw ih Biaknak lam zalennak, zalen zet ih zumnak le leilungpi a hlum deuh nak pawl thawn pehpar in ziang tin kan tuah tlang ding ti rel khawmnak an neih ding thu a rak sim.

         A cang thei bik mi ah cun Vatican ih secretary a si mi Cardinal Pietro Parolin le ramhuap pehtlaihawknak zung ih secretary a si mi Archbishop Paul Gallagher thawn an tongaw men thei tiah a sim. October thla ah America ram ih Secretary Mike Pompeo khal in Vatican a rak tlawng. Asinain, Pope thawn an rak tongawk thei lo.Tui tlawnnak cu kan dung January thla in a lawng mi Vatican hrangah American Ambassador thar tuanvo an ap ding thu khal a tel ding tiah an ruat. Hi thuthang cu Rome Reports thuthang ih kan ngah mi a si.

https://bit.ly/3cSZMa5