America ram, New York khuapi biakinn ah Bawi Jesuh Thi le Sa ret nak Monstrance ruk. June 29, 2021

America ram, New York khuapi biakinn ah Bawi Jesuh Thi le Sa ret nak Monstrance ruk.

June 29, 2021

          Nu Pawlpiih zarhpi ni zanlam ah Pawlpi ih ni pi ni sunglawi pawl le thla ih hmasabik tlawngkai nili, ninga, zarhte ni pawl ah Bawi Jesuh Thi le Sa biak nak tuah a si. Bawi Jesuh Thi le Sa biak tikah Bawi Jesuh Thi le Sa phorh in Monstrance sungah ret in biak a si theu. Cumi Bawi Jesuh Thi le Sa  lak lai ah malte sung ret nak Monstrance ruk a si. Ruk asi nak biakinn cu America ram, New York khuapi ih um a si.. Ruk asi ni cu tlawngkai ni nga asiih, ruk asi ti an theih nak cu zarhpi ni zinglam Bawi Jesuh Thi le Sa upat nak caanserh an thok hlan te ah a si.

          Cumi ruk ru cu zing 7 hrawngah St. Benedict biakinn ah a lut thu, cui ruk mi Bawi Jesuh Thi le Sa malte sung ret nak cu a man in cun America dolar 10000 hrawng a si thu, cumi cu a dang te ih ret asilai ih ruk asi ruangah Bawi Jesuh Thi le Sa a tel lo. Zarhpi ni ah Bawi Jesuh Thi le Sa upat can cu zing 9:30 ah a si. A ru tu cu zingzoi rero a si. Rukru tu cu biakinn sungah June 25 ah a lut ih, nazi pakhat hrawng biakinn sungah a um. Rukru a zamrang thei bik in kai ngah dignah thlacam rero a si. Asinan cumi kiangkap ih a um tu pawl in rinhlelh mi mi khual an hmu asile police hnen thuthang thei ter dingah phon number khal siseh, internet in khal siseh theihternak nei dingah New York police pawl in bom nak an dil.

          Cui biakinn ah kan dung May 28 khalah St. Adalbert Parish biakinn sungih Bawinu zuk cu thenhnih in siat suah a si zo. May 15 khalah naute Jesuh a cawi tu Bawinu zuk khal Parish zungpi umnak ah siatsuah a si. May 14 ni khal ah Brooklyn khuapi, St. Athanasius Parish sungah phunmi Bawi Jesuh lem khal a tlu ih, America aalan pakhat khal an ur. St. Athanasius Parish ih then asimi St. Dominic Parish khalah siatsuah nak malte ton a si. April thla khalah Fargo Diocese ih Bawi Jesuh zuk ih a hmaiah a dum zawng an hnih.

          April 21 ahcun California ram Van Nuys khuapi, St.Elizabeth biakinn khalah mi pakhat in tuhmui thawn Guadalupe Bawinu zuk a khuai. February thla thok lam khalah Taxas ram then, El Paso khuapi, St. Pius 10 Biakinnpi khalah Vancungmi lem pawl siatsuah an si. January thla thok lam ah naute Jesuh ih St. Therese zuk khal a linglet zawng in ret in "Setan" tiin khal an ngan tiah thil cang tampi ton a si. Himi thuthang cu CNA thuthang ihsin kan don mi a si.

https://bit.ly/3hqY8Ov