American Catholic Bishop pawl Catholic cazir nak tlawng pawl ih athupi ih an tul mi an bawm August 7, 2020

American Catholic Bishop pawl Catholic cazir nak tlawng pawl ih athupi ih an tul mi an bawm

August 7, 2020

            America Catholic Bishop pawl pawlkom cu neita ih an tuah dingmi covid-19 bom nak program ah American ram ih din mi Catholic tlawng pawl ih a thupi ih tulmi khal ruat sal cih dingah rampi thurelkhawm nak ah an dil cih. Rampi thurelkhawmnak ih an kuat mi a cu aliamzo mi nili sun ah an suah. Cui caah American Catholic pawlkom ih hotu a si mi Los Angeles, Archbishop Jose H.Gomez, Boston Diocese ih Cardinal Sean P.O'Malley, Galveston-Houston Diocese ih Cardinal Daniel N.DiNardo, New York Archdiocese ih Cardinal Timothy M.Dolan, Chicago Diocese ih Cardinal Blase J.Cupich, Newark Diocese ih Cardinal Joseph W.Tobin, Oakland Diocese ih Bishop Michael C.Barber pawl le American Catholic fimthiamnak Committee ih hotu pawl in lung kimnak ca an ngan.

            Sumdawn nak lam harsat nak cu American ramih innsang tampi harsat nak a thleng ter. Curuangah an fale pawl ih tlawng kai man pe dingah sumpai nei lo tiangin a cang ter. Cutivek thotho in Catholic tlawng (140) hrawng khar thluh ding dinhmun tiang a thleng ih, thal tlawng kai nak program khal ong thei lo mi tlawng tampi khal a um. Khuapi sung um mi pawl ruatin phuan mi tlawng pawl ah sumlut malte lawng a nei mi pawl ih fale pawl sinak in a cang thei lo. Ahleicein midum nauhak pawl kai nak tlawng pawl cu ziangtivek khalin a si thei lo. Cutivek in tlawng Committee, tlawng hnatuantu pawl, tlawng thawn kom aw in hna a tuan tlang tu pawl hrang khalah harsat nak a thleng ter. Ahleicein mah le mah ih sumpai pek nak tampi'n a siat ter thei. Ziangruangahtile tlawngta pawl cu Catholic tlawng (asilole) Catholic asilomi tlawng pawl ah dolar tampi sumpai an pe. American ramsung tah nak ih zoh tikah Catholic cazirnak tlawng cu cozah hnen dolar (20) billion kum tin hawl asithu program kai tu hnen an sim. Himi thuthang cu Vatican thuthang ihsin kan ngah mi a si.

https://bit.ly/30McUs1