American Catholic Bishop pawl in Kawlram mipi pawl thawn hmunkhat ih an um thu lang ter March 4, 2021

American Catholic Bishop pawl in Kawlram mipi pawl thawn hmunkhat ih an um thu lang ter

March 4, 2021

            Thil tha lo tuah ih siat suah nak pawl, hriamhma pawl le thih le hloh nak pawl a um nan a tu caan tiang Kawl ram ah Aana thuneihnal  lonnak dodal nak cu nasa zet in tuah hrih rero a si lai. America ram ih Catholic Bishop pawl pawlkom ih thu hman, thu dik le remdaih nak committe sacretary khal in "Democracy ngah nak hrangah a do rero tu Kawlram mipi pawl thawn hmunkhat ih a um thu" ca pakhat cu Kawlram ih Catholic Bishop pawl pawlkom ah an kuat.

            A tlun ih Bishop David J.Mally in "Pope Francis khal cui aana long nak le thah awk nak hlon in remdaih nak hrangah a zamrang thei bikin thu rel tlang dingah" a dil thu, kannih khal Pope ih aw kan lang terih Kawlram mipi pawl hrangah thlacam sak ding a si tu an lang ter bet. Amah cu America cozah khal a tul mi bom nak pe dingin an dil thu a lang ter bet.

            Cui Aana thuneihnak, longnak, dodalnak pawl ah Myitkyina ih Catholic Sister pakhat ih ralthat nak cu online ah a darh. Kum 45 hrawng a si zo mi Sr.Ann Rose Nu Tawng cu duhphorh nak nei pawl siat suah dingah a zuam tu police pawl le ralkap pawl ih hmaiah tap in a kham nak zuk pawl cu online a hmang tu pawlih thinlung a hnin ter. Himi thuthang cu Vatican thuthang ihsin kanngah mi a si.

https://bit.ly/3qjc1kb