American Catholic Puithiam pakhat in thianghlim Zarh sung nazi (73) sualthlah a ngai sak ding April 13, 2022

American Catholic Puithiam pakhat in thianghlim Zarh sung nazi (73) sualthlah a ngai sak ding

April 13, 2022

         Thianghlim Zarh sung sualthlahnak nazi (73) a ngaisak tu ding Puithiam cu Fr. David Michael Moses a si. A mah cu Fulshear ih St. Faustina Biakinn ih Parish Puithiam a si. America ram, Texas ramthen ah tui kum thianghlim Zarh ih cangvaihnak ah nazi (73) sualhlah ngaisak cio dingah an rak botcat.

         Fr. in hi cangvaihnak cu a facebook cahmai ah ‘Pathian ih zaangfahnak cu a famkim. A man cia ringring. Malte atnak khal a si. Sualthlah kan ngai sak caan cu hi tiin theih ter ka duh. Nan mah thawn hmaizarh ih tongaw dingah ruahsannak ka nei’ tiah a rak tarlang.

         Sualthlah a duhtu pawl hrangah thianghlim zarh ih tlawngkai nikhat ni ihsin thok in thianghlim Zarhte ni tiang Siangbawi thlengaw in an ngai sak ding. Parish pakhat ah sualthlah ngai sak caan rei bik mi programme cu tui tum hi hmaisabiknak a si Tlawngkai ninga ni ah Puithiam pawl cu zing nazi 6:00 am ihsin zaantim tiang an ngaisak ding thu, tu vekih timtuah sak tu Puithiam cu a kum 18 ihsin Catholic Puithiam pakhat si dingah a rak paih zet tu a si thu, cu lai ah a mah cu college a theh ih, Houston University ah upadi tlawng kai dingah hmin cazin a rak pek theh zo.

         A mah cu Galbeston-Houston Archdiocese ih Puithiam cannak tlawngah a rak lut ih a rak zir mi pawl a theh hnu (June 01, 2019) ah kumkhua Puithiam cannak a rak ngah.

         Hla pawl a rak ngannak cu a liam zo mi kum 16 ihsin a si zo. A mah cu awnmawi tumnak thawn American dollar (500,000) luan khal ‘nauthlaknak dokalhnak pawlkom’ hrangah sum a rak hawl sak thei.Hi sumpai cu sumdawnnak ruangah, nun khuasak a har ruangah nauthlak rero tu nunau pawl bawm dingah a si. A r alai ding mi a mai awnmawi tumnak programme cu a ralai ding mi (July 28), Texas ramthen, Houston khuapi ah an tarlang ding.

         Hi thuthang cu SW News ih kan ngah mi a si.

Photo courtesy : SW News

https://bit.ly/3uPglgR