American ih Catholic inn pakhat covid Quarantine center ah an hmang August 1, 2020

American ih Catholic inn pakhat covid Quarantine center ah an hmang

August 1, 2020

            American ram ih covid nat an hmuh thok nak hmun asi mi Washington ramthen ah Catholic Pathian thulung ngai nak inn cu Quarantine center  tiin hman a si ding tiin an sim. Sual hram a nei lomi Bawinu ih thinlung hmin a nei mi cui inn cu Washington ramthen Spokane khuapi ih saklam peng malte a hlat nak ah a um. Covid-19 nat a karh zai nak ruangah March thla ah cui inn cu an khar.

            Cui caan ah cui inn ih tuanvo nei tu Deacon John Ruschensky cu Spokane hmun ih tuanvo nei tu Dr. Bob Lutz hnen ihsin dil nak pakhat a dong. Cui dil nak ah Catholic charitas pawl thawn kom aw in Quarantine hmun tiin thleng dingah asi. Diocese Bishop hnen ihsin lungkim pi nak dil nakah Bishop in a lungkimpi ih thluasuah an pe. Bishop ih  a suah cu mina pawl le bom nak a tul tu pawl cu sual hram a neilomi Bawinu ih thinlung innih um dingah a tha zet. Himi program ah a bawm tu tinkim hnen an lung a awi tuk thu, hmailam khalah hlawhtling dingah thla an cam sak tiin a sim. Cui inn cu Quarantine center ih hmang dinah ulh nak le a dang program pawl cu kum cem tiang an bal. Cui center ah Quarantine sung um tu 7000 tiang an um thei ih, rawl suan nak cutivek famkim in a um. A tu caan ah cun nat hrik nei tiih rinhlelh mi mina pawl le inn nei lo mina pawl remcang zetin an um thei ding a si. Himi thuthang cu CNA thuthang ihsin kan ngah mi a si.

https://bit.ly/2DgMvKb