Angelus thlacam laiah Pope in hitiin a sim June 29, 2020

Angelus thlacam laiah Pope in hitiin a sim

June 29, 2020

          Jesuh Khrih cu a nung mi Pathian a si tiih hminsin nak cu a nuam mi nunram ih thuthuk a si. St. Peter le St.Paul pawl ih an puai pi niah Angelus thlacam nak hmun ihsin Pope cu Khristian pawl hnenah mai nunnak kha laksawng pakhat cang ter ding ah le Jesuh Khrih cu a nung mi Pathian tiih hminsin dingah a forhfial. St.Peter le St.Paul pawl ih an puaipi ni Angelus thlacam nak ah St. Peter ih nunram thu cu a sim. Ni khat sun a veikhat nak Bible (Dung12:1-11) ih a um mi Bawipa ih vancungmi in Peter thawng inn ih a luat ter nak, thawng a tlak hnu le thih nak a tuar hnu kha khaikhin in a sim.

          Pope in thu a sim nakah "ziangvek daan in St. Peter cu hmaisalam ih hmuhsuam nak ihsin a luathnu adang hmuhsuamnakin  ziangah a luat lo" tiin ruah nak a pek. Pope in Missa raithawinakah Bawi Jesuh zohthim in, mah le mah thangphok aw cio uh si. St. Peter le St. Paul vekin mah ih nunnak cu laksawng vekin tuah cio uh si. Pathian in St. Peter cu thluasuah tampi a burh ih, thil tha lo lak ihsin a luat ter vekin kannih khal cutivek in in tuah sak thu a sim.

          Kanmah pawl cu a tul caan lawngah Pathian hnen kan feh theu nan, Pathian cu kanmah ih kan hmuh thei nak hnakin a hmuh thei lawng siloin kanmah pawl khal thu ruat thiam sinsin thei ding in in sawm. Ton mi harsat nak pawl cu a kut sungah ap lawng siloin kan nunram khal a hnen ah ap dingin in sawm. Cutivekin Pathian cu kan hnen in in pek mi a tumbik mi thluasuah in pe thei. Ziangruangahtile minung nunnak ih a thupi bik mi thil cu nunram hi laksawng vek ih tuah nak a si.

          Pope Francis ih a sim bet mi cu, Pathian in pek nak ah thangso dingin in duh thu, pek nak lawngin kanmah pawl cu mi sunglawi kan  si thei thu a sim. St. Peter ih nun daan a sim nak ah, "St. Peter cu thawnginn sung ihsin a suak ruangah mi raltha a si ti nak a si lo. A nunnak a pek ruangah mi raltha a si sawn. St. Peter cu a thih nak ding hmun kha kanmah pakhat cio kan hawl thei mi hmun, ruahsan nak ih a mawi mi hmun ah in thleng sak.

          Thluasuah lungawi nak nunram ah "Pathian hnen ziang kan dil ding ti cu hinah a um. A tui tul mi thluasuah lawng siloin thluasuah thawn a khat mi nun dil uh" tikhal in a sim. (Mt 16:13-19) sung zoh tikah Pope cu a ruah mi a sim nak ah Jesuh Khrih in a dungthluntu pawl hnenah zo a si thu a suh hnuah Peter sim nak cu St. Peter ih nun a thleng ter thu a sim.

          Jesuh Khrih cu a dungthluntu pawl hnen ah "Nannih in teh! kei hi zo a si in ti so" tiin a suh tikah Simon Peter in "nang cu a nung mi Pathian ih fapa Messiah na si" tiah a ti. Jesuh khal in "Johan fapa Simon, mi vannei na si" tiin a ti mi cu (Mt 16:16-17) ah kan hmu thei. Pope Francis in Jesuh Khrih ih tongkam a sim fiang nak ah "thluasuah nei mi" timicu "lungawi mi" tiin duh san a nei thu, Peter in Jesuh hnen ah "a nung mi Pathian" tiih a ti tikah Jesuh Khrih in "nang cu mi thluasuah na si" tiah a rak sim thu a sim. Mi vannei ih lungawi nun nak ih thuthup cu Jesuh Khrih kha a nung mi Pathian a si thu hminsinnak a si" tiin Pope Francis in a sim.

          Kan nun ram ih Jesuh Khrih a um nak hmun cu Pope Francis in Simon ih hmin cu Jesuh Khrih in a kawh tikah "lungpi" tiih a thleng thu, Jesuh Khrih in "ka lo sim Peter, nang cu lungto na si, hi lungpi parah hin ka kawhhran ka din ding" tiin a sim (Mt 16:18) Peter cu a hngetkhoh ih zum tlak a si ruangah siloin Jesuh Khrih cu Simon timi lungpi cu Jesuh timilung pi parah a thleng. Jesuh Khrih cu thuanthu ah mi hminthang a si thu theih a tul lovekin a sim mi mi cu "kan nunram ih kan pek mi hmun" lawng a si.

          Himi thuthawn pehpar in Pope cu kanhnenah mah le mah sut aw dingah in forhfial. "Na nun nak cu ziangtin na tawl rel? A tui tul mi lawngah na thin a bang maw? Cuasilole mah hrang ih laksawng ih tuah mi Jesuh cu kan tul rori mi tiin na zum maw? asilole na nunnak ziangtin na din? Na thil ti thei nak thawn maw? Asi lole Pathian ih huham thawn saw? Pope Francis cu ziang hmuahhmuah ih Pathian hnen ih ap mi, Bawi nu Maria cu kan hnen ah Pathian cu nitin nunnak ih a laifang nak ah ret thei dingah in bawm ding thu thlacam phah in a thusim a cem ter a si.

https://bit.ly/3gpNl4S