Angelus thlacam nak hmunah Pope in Bawi Jesuh thi le sa saramentu cu midang pawl ngaih sak nak dingah tha zang in pe August 2, 2020

Angelus thlacam nak hmunah Pope in Bawi Jesuh thi le sa saramentu cu midang pawl ngaih sak nak dingah tha zang in pe

August 2, 2020

            Kan dung Zarhpi ni Angelus thlacam hlanah Pope Francis cu zumtu pawl hnenah Bawi Jesuh thi le sa saramentu hnen ihsin thazang la dingah le bom nak a tul tu pawl zangfah nak hmuh dingah a forhfial. Pope Francis in zarhpi cun Angelus thlacam nak hmun ah Bawi Jesuh Khrih in sang le nga pahnih a zai ter nak mangbang za (Mt 14:13-21) thu a sim.

            Pope in "Jesuh Khrih ih tongkam pawl le a um tlandan pawl cu ruahsan nak in pek ruangah minung pawl cu nelrawn ah Jesuh Khrih ih tongkam ngai dingah an feh" tiin a sim. "Ni a tla ih mipi pawl cu rawl hawl ding ih an rat tikah adungthluntu pawl hnenah ei ding pakhat khat pe ding in thu a pek."

            Jesuh Khrih cu hi mi dinhmunah a rual pi pawl hnen tuanvo a la tu, Pathian ih ruah nak cu zirh dingah a hmang. Duhdawt nak cu thazang pakhat tiin hmin sin nak, Pope ih a sim bet mi cu "Jesuh hnen sang le nga pumhnih lawng an neih thu an sim tikah a dungthluntu pawl tan loin, Sang a lak ih a phel hnuah mipi pawl zem dingah a dungthluntu pawl hnen a pek."

"Jesuh Khrih cu a tontai mi nauhak pawl hnenah Pa ih terhsian nak cu pi cangzet siloin duhdawt nakih hminsin nak tiin thil ti thei nak a lang ter." Bawi Jesuh Khrih cu minungpawl ih thinlung sungah a umih, kanmah pawl ih thazang mal nak pawl le rikhiah mi pawl, in theih thiam pi. A thusim mi ihsin thazang a pe. Bawi Jesuh thi le sa sang le nitin kan ei mi pawl, Pope Francis ih a sim bet mi cu "sang pawl an zai nak cu Bawi Jesuh thi le sa in hmu fiang ter. A thu pi ih tul mi pakhat cu kumkhua nunnak hrangah sang ih a um mi thazang (Bawi Jesuh thi le sa hmuk) le kan nungdam nak ih a tul mi nitin ei mi rawl karlak ih pehpar awk nak a si. Pa cu kanmah in runtu sang tiin pek hlanah Jesuh Khrih cu amah thawn um tlang dingah a dung a thlun tu pawl le in le ei ih hnon a tuar tu pawl hrangah kopkham in rawl pek a duh." Pope cu hitivekih a sim nak cu thlarau le thilri karlak ah dodal awk lo nak a um lo thu a lang ter.

            Zangfahnak, zumnak, lungrualnak

            Pope cu Jesuh Khrih ih mipi pawl hnen a zangfah nak le a duhdawt nak cu "minung pawl ih tul mi cu ngaihsak nak duhdawt nak hngekkhoh ten lang ter nak asi." A thianghlim mi Pa cu Jesuh Khrih ih thinlung um daan a simi zangfahnak cu cawn nakin Bawi Jesuh thi le sa ih puai nak naih dingah in forh fial. "Zangfah nak cu a leng lam ruahnak men a si lo. A hman mi zangfah nak cu midangih tuar nak tuar pi in, midang ih nat nak nat pi ve a si."

            A cem nak ah Pope Francis in "Khristian sinak ah Bawinu kanmah hrang in bawm dingah thla a cam. A hleicein hi mi harsatnak cu hi leilungpi ih farah zonzai nak le farah harsat nak pawl pah ding ah le leilungpi leng lamah kanmah pawl hrang in tumtah sak ruangah Pathian hnen kan ra ih Pathian hnen kan kirsal nak lamzin hrangah ulenau pawl ih nunnak lamzin cu um lo thei lo in a tul" tiin thla a cam sak ih a thu thangtha simnak cu a cawl. Himi thuthang cu Vatican thuthang ihsin kan ngah mi asi.

https://bit.ly/2XqbnG2