Antipolo Cathedral cu International Shrine ih tuah dingah Bishop 80 hnakih tam an tel ding. (January 25)

Antipolo Cathedral cu International Shrine ih tuah dingah Bishop 80 hnakih tam an tel ding. (January 25)

Antipolo Cathedral cu January 28, 2024 thlawngkai ninga ni ah ramsung ih Bishop 80 luan an tel dingih international Shrine pakhat dinhmun ih ngamhnget dingah a si thu Catholic Bishop Conference Phillippines (CBCP) thuthang in thei a si.

Our Lady of Antipolo ih zumtu tampi cu biakinnah khawmzawh dingah an feh theu. Hi biakinn cu miphun pumpuluk thawn perpar mi a hmaisabik Biakinn pi a si.

2022 June thlaah Vatican in Antipolo Cathedral cu International Shrine ah khaisang dingih an dilnak ca khal a rak ngamhnget sak. Asian ram Nisuahnak thlanglam tluan ah a hmaisabik le Leitlunih a hlei 11nak a si tiah sim.

Vatican ih thu suahnak vekin Cathedral thar cu kan dung kum March 25 ni ih pek mi a si.

Philippines thawn pehpar in Apostolic nuncio Archbishop Charles Brown in tlawngkai ninga ni zing 10:00 am ah biakthawinak ah a hoha ding a si. A teltu ding Bishop pawl cu an mai plenary assembly hrangih timtuah cia mi thu rel tlangnak pakhat hrangah Manila khuapi ih Pope Pius XII nak ih Catholic Center ah zarhte ni January 29 sun tiang an tuah ding a si.

CBCP ah sungtel 125 an um ih 82 in an cangvai in an tawlrel ih 39 cu a cawl zo tu Bishop an si ih 4 cu Siangbawi an si.

Missa biakthawinak thawh hlanah remdaih nak le Good Voyage zuk hmai in zing 8:00 ah bulpit hmai ih biakinn hmai tiang tuah a si ding. Antipolo ih Bishop  Ruperto Santos in cu mi ah a hoha ding a si.

 Diocesan Shrine ih dun le daan pawl hngam hnget dingnak hrangah cui hmun ih thu neitu pawl hnenah tuanvo a um. Hi thuthang cu RVA thuthangin kan don mi a si.