Aralai dingmi March thla hrang Pope ih a tuah ding mi program pawl suah (February 14, 2022)

Aralai dingmi March thla hrang Pope ih a tuah ding mi program pawl suah

(February 14, 2022)

              Vatican thuthang zung ihsin tlawngkai nikhat ni ah March thla sung, Pope ih a hoha dingmi biakkhawmnak lam caanserh pawl an suah.

1.March (2) tlawngkai nithum, cuini cu vualuh ni vutcam culh ni tlawngkai nithum a si. Cuiniah Statio orbis thawn sualsir nak program cu zanlam 4:30 ah Sant’ Anselmo Biakinn ah Pope in a hoha ding. Missa raithawi nak le vutcam culh nak cu San Sabina Basilica ah tuah a si ding. Kan dung kum ahcun covid 19 pulhnat ruangah vualuh ni tlawngkai nithum ni Missa raithawinak cu St. Peter Basilica lawngah rak tuah a si.

2. March (4) tlawngkai ninga, Pope cu Pope hrilnak hall khan sungah 10:30 ah a um dingih, Mithianghlim khaisang theinak thu pawl an relkhawm ding.

3. March (25) tlawngkai ninga, sualthlahnak caanserh cu zanlam 5:00 ah St.Peter Basilica ah a hoha ding.

4. Kumtin Pathian thulung ngainak (retreat), Kumtin vua sungah Vatican ah hna a tuan tu biaknak lam hnatuan pawl zaten Pathian thulung ngainak (retreat) an tuah theu. Pulh nat dinhmun ruangah tuikum ah Pathian thulung ngainak (retreat) cu mai program thawn lawng tuah dingah a cah. Kan dung January thla ah tu Pope Francis in Vatican sungih a um mi Cardinal pawl, zung a phunphun ih tuanvo nei tu pawl hnen March (6), zarhpi ni zanlam ihsin March (11) tlawngkai ninga tiang mai hnatuan nak ihsin cawlin, thlacam nak, Pathian thuruat nak tuah in Pathian thulung ngainak (retreat) tuah dingah ca a suah.

               Kan dung kum 3 covid pulhnat a can hlan ah Pope cu Vatican zung pawl ih hnatuan pawl thawn Ariccia ih Casa Divin Maestro ah Pathian thulung ngainak (retreat) an nei theu. A hlan ah himi Pathian thulung ngainak (retreat) cu Nu Pawlpi ih biakkhawmnak a thok asimi Adventu caan hmaisabik zarh ah tuah theu a sinakin 19614 ihsin thokin vua caan ah an thawn. Ziangruangahtile cui caan cu sualsir caan, thleng awk ding caan a siih, Bawi Jesuh thawn thlarau lam nunram ah nung sal dingah tumtah nak a si. Vatican hnatuan pawl ih Pathian thulung ngainak (retreat) cu Jesuit pawlkom dintu Loyola khuapi ih Ignatius ih Pathian thulung ngainak (retreat) tuah daan vek a si. 1929 ihsin thokin Pope Pius XI in capi Mens Nostra a suah ih Vatican zung pawl ah hna a tuan tu pawl cu mai thlarau lam thazang thar pe dingah a rak nemhnget. Himi thuthang cu Vatican thuthang ihsin kan don mi a si.

https://bit.ly/3gSFFuq