Archbishop in Turkey le Syria ih 6.4 tha a nei mi linghnin nak ruangah thla cam sak dingah zangfah dil.

Archbishop in Turkey le Syria ih 6.4 tha a nei mi linghnin nak ruangah thla cam sak dingah zangfah dil.

          Syria ram Aleppo ih Syrian Catholic Archbishop Antoine Chahda in February 20 ah Turkey le Syria ih 6.4 tha a nei mi ling a hnin sal nak ruangah thla cam sak dingah zangfah a dil. ACI Prensa CNA ih Spain tong ih thuthang ah Chahda in linghnin hnu ah thlacam sak ding a dil ih "kanmah hrangah thla in cam sak uh ziangruangahtile mi hmuahhmuah cu khaupi ih lamzin ah an thleng thluh. Himi cu a rapthlak zet. Tih a nung zet. Kan zaten thin phang in kan um."

          U.S.Geoligical Survey ih an sim nak vekin Syria ramri Turkey ih nitlak nak thlanglam Uzunbag ah an ram tik cu caan 8:04pm ah peng 2 hrawng ah ling hnin a cang tiin an sim. Aleppo ih Syria Catholic archbishop in "tuitiang ah cun inn min tivek a um hrih lo, Cathedral khal a him. Asinan thaisun ni a suah hnu ah ziang a cang timi kan hmu ding" tiin a sim. "Mi pawl cu lamzin parah an um. Kanmah pawl cu kan him lai. Aleppo ahcun hliam tuar khal an um hrih lo a bang. Thaisun ah kan thei leh ding" tiin a sim.

          Archbishop in "Cathedral ih a ra duh tu pawl kan cohlang ih, lam zin vek thotho in mi an khat. Ziang a cang ding ti kan thei lo, Pathian lawng in a thei. Thla in cam sak uh" tiin a sim bet. Aleppo ihsin peng 135 a hlat nak Turkey ram Tarsus ih ummi Fr.Esteban Dumant in "kan him. A nasa zet ko nan siatral nak a um lo" tiin a sim.Himi thuthang cu Catholic News Agency ihsin kan don mi a si.

https://bit.ly/3XTKOp5